چونیاں ٹی ٹونٹی کرکٹ ورلڈ کپ اور سنوکر پر جواء اور منشیات فروشی عروج پر انتظامیہ خاموش

باغی ٹی وی ،چونیاں (نامہ نگار) ٹی ٹونٹی کرکٹ ورلڈ کپ اور سنوکر پر جواء اور منشیات فروشی عروج پر انتظامیہ خاموش متعدد بار ہائی لائٹ کرنے باوجود سٹی پولیس نے چپ سادھ لی کوئی پوچھنے والا نہیں شہر کو جواریوں اور منشیات فروشوں کے سپرد چھوڑ دیا پولیس حکام نوٹس لیں، شہریوں کا مطالبہ تفصیلات کے مطابق چونیاں شہر کے مختلف اہم خفیہ مقامات پر تاش پرچی جواء ،سنوکر اور ٹی 20 ورلڈ کپ شروع ہوتے ہی کرکٹ میچ جواء کے محفوظ ٹھکانے قائم ہو گئے ہیں روزانہ لاکھوں روپے کا بھاؤ تاؤ جاری ہیں۔تاش، پرچی،سنوکر اور کرکٹ میچ پر جواء سے سینکڑوں شہری امیر ہونے کے لالچ میں جمع پونجی بھی گنوا بیٹھے ہیں۔ بعض ادھار اور سود پر رقم لینے پر مجبور ہو گئے۔ چونیاں کے مختلف مقامات نیو بس سٹینڈ، کچی آبادی، پرانی غلہ منڈی کے قریب، ظہیرا آباد، قلعہ روپا سنگھ، رانا ٹاؤن سمیت دیگر علاقوں میں تاش، پرچی،سنوکر اور کرکٹ میچوں پر جواء کے محفوظ ٹھکانے قائم ہیں کرکٹ میچ پر جواء کرانے والے بکی پولیس اور قانون نافذ کرنے والے اداروں کی نظروں سے آنکھ اوجھل پہاڑ اوجھل ،یہ صاف نظر آ رہا کہ سب کی سب پولیس جیب گرم کرنے میں مصروف ہے عوامی وسماجی حلقوں نے ڈی پی او قصور آر پی او شیخوپورہ اور آئی جی پنجاب سے فوری نوٹس لینے کا مطالبہ کیا ہے۔۔