تیزرفتارڈمپراورباراتیوں کی گاڑی کے درمیان تصادم، دولہا اور دلہن سمیت 6 افراد جاں بحق

پنڈ دادن خان: پنجاب کے ضلع جہلم کے شہرپنڈ دادن خان میں کھیوڑہ کے قریب تیزرفتار ڈمپر اور باراتیوں کی گاڑی کے درمیان ہونے والے تصادم کے نتیجے میں دولہا اور دلہن سمیت 6 افراد جاں بحق اور متعدد زخمی ہو گئے ہیں۔

باغی ٹی وی: پولیس ذرائع کا کہنا ہے کہ حادثہ تیز رفتار ڈمپر کی بریک فیل ہونے کے باعث رونما ہوا، بے قابو ڈمپر نے متعدد گاڑیوں کو کچل دیا حادثہ میں کار سواردولہا دلہن بھی موقع پر ہی دم توڑ گئے۔

جرمن باشندوں کو لے جانے والا طیارہ دوران پرواز لاپتہ ہو گیا

ٹریفک حادثے کی اطلاع ملتے ہی علاقہ پولیس اور ریسکیو ادارے کے اہلکار فوری طور پر جائے وقوع پر پہنچے اور انہوں نے زخمیوں کو طبی امداد کے لیے نزدیکی اسپتال منتقل کیا ریسکیو اہلکاروں نے حادثے میں جاں بحق ہونے والے افراد کی نعشوں کو بھی پوسٹ مارٹم کے لیےتحصیل ہیڈ کوارٹر اسپتال پنڈدادن خان منتقل کردیا گیا ہے۔

علاقہ پولیس اور دیگر متعلقہ اداروں نے جائے وقوع سے ثبوت و شواہد بھی اکھٹے کر کے حادثے کی تحقیقات شروع کردی ہیں۔

پولیس پر حملہ کرنیوالے تین ملزمان زخمی حالت میں گرفتار