گارڈن ٹاؤن پولیس کی شراب فروشوں کےخلاف بڑی کارروائی۔

گارڈن ٹاؤن پولیس نے لاکھوں روپے مالیت کی امپورٹڈ شراب برآمد کر لی۔ایس ایچ او گارڈن ٹاؤن حمزہ بھٹی نے بتایا کہ شراب فروش آفتاب نامی ملزم سابقہ ریکارڈ یافتہ ہے اور یہ متعدد مقدمات میں مفرور تھا۔ملزم اسلام آباد سے شراب منگوا کر لاہور میں سپلائی کرتا تھا۔ملزم کے قبضہ سے ناجائز اسلحہ بھی برآمد ہوا ہے اور مقدمہ درج کرتے ہوئے حوالات میں بند کر دیا گیا تھا۔ ایس پی ماڈل ٹاؤن دوست محمد نے ایس ایچ او گارڈن ٹاؤن اور انکی ٹیم کو شاباشی دی اور تعریفی اسناد کا اعلان بھی کیا۔ ایس پی ماڈل ٹاؤن دوست محمد کے مطابق سماج دشمن عناصر کیخلاف بلا امتیاز کارروائیاں جاری رہیں گی۔