گیس کے زائد بل، وزیراعظم کا اظہار برہمی، بڑا حکم دے دیا
باغی ٹی وی کی رپورٹ کے مطابق وزیراعظم عمران خان کو گیس کے اضافی بلوں کے معاملے پر رپورٹ پیش کر دی گئی، کم گیس پریشر والے علاقوں میں صارفین پر اضافی بلوں کی وجوہات بھی رپورٹ کا حصہ ہے۔
وزیراعظم عمران خان کو پیش کی جانے والی رپورٹ میں کہا گیا ہے کہ اضافی بلوں کی مد میں صارفین کو 513 ملین کی رقم واپس کی جائے گی، وزیراعظم کی ہدایت پر گیس پریشر اور بلوں کے درمیان فرق کا جائزہ لیا گیا۔
رپورٹ میں کہا گیا کہ سوئی نادرن گیس بورڈ آف ڈائریکٹر کی ہدایت پر انتظامیہ کا ایکشن جاری ہے، گزشتہ سال فروری اور مارچ میں گیس صارفین کو 50 ملین واپس کیے گئے۔ مختلف علاقوں میں سپلائی اور ڈیمانڈ کی صورتحال کا بھی جائزہ لیا گیا۔
اضافی بلوں کی مد میں صارفین سے وصول رقم واپس کرنے کا فیصلہ کیا گیا ہے،وزیراعظم نے گیس صارفین پر اضافی بوجھ ڈالنے پر اظہار برہمی کیا،کمپنی صارفین سے وصول گئے 513 ملین روپے کی رقم واپس کرے گی،سوئی نادرن نے فروری، مارچ2019کیلیے50ملین روپےصارفین کوواپس کردیئے،مزید 463 ملین روپے کی رقم کی واپسی کا سلسلہ بھی شروع کر دیا گیا،وزیراعظم کے نوٹس پر کمپنی نےحقیقی گیس پریشرکےمطابق بلنگ درست کر لی
وزیراعظم نے آئندہ گیس بل حقیقی گیس پریشرکی بنیاد پرجاری کرنے کی ہدایت کر دی،وزیراعظم عمران خان نے مختلف علاقوں میں سپلائی اور ڈیمانڈ کی صورتحال پر بھی مسلسل نظر رکھنے کی ہدایت کی،
