گوہر خان اور زید دربار کی شادی کی تقریبات کا آغاز ہو گیا

معروف بھارتی اداکارہ و ماڈل گوہر خان اور ٹک ٹاکر زید دربار کی شادی کی تقریبات کا آغاز ہوگیا ہے۔

باغی ٹی وی : گزشتہ روز بالی وڈ اداکارہ اور بگ باس 7 کی فاتح گوہر خان اور ٹک ٹاکر زید دربار کی مہندی کی تقریب کا انعقاد کیا گیا تھا جس کی تصویریں جہاں سوشل میڈیا پر وائرل ہورہی ہیں-

اداکارہ گوہر خان نے بھی اپنے تصدیق شدہ انسٹاگرام اکاؤنٹ پر اپنی مہندی کی تقریب کی تصاویر شیئر کی ہیں۔

گوہر خان کی جانب سے شیئر کی جانے والی تصویروں میں وہ خوبصورت پیلے رنگ کے عروسی لباس میں ملبوس ہیں جبکہ اُن کے ہونے والے شوہر زید نے پیلے رنگ کا کُرتا زیب تن کیا ہوا ہے۔

گوہر خان نے انسٹاگرام پر تصویریں پوسٹ کرتے ہوئے کیپشن میں لکھا کہ جب ہم دونوں ایک ساتھ ملتے ہیں تو خاص لمحات تشکیل دیتے ہیں۔

بالی وڈ اداکارہ نے اس خوشی کے موقع پر اللہ تعالیٰ کا شکریہ ادا کرتے ہوئے ’الحمداللہ‘ بھی لکھا۔

اداکارہ کی اس پوسٹ پر معروف شخصیات اور مداحوں کی جانب سے مبارکباد اور اور دونوں کی نئی زندگی کے لئے نیک خواہشوں کو اظہار کیا جا رہا ہے-

واضح رہے کہ گوہر خان اور زید دربار رواں ماہ 25 دسمبر کو رشتۂ ازدواج میں منسلک ہوں گے۔

گوہر خان اور ٹک ٹاکر زید دربار نے شادی کے کارڈ میں اپنی لواسٹوری بیان کر دی