کندھ کوٹ،میہڑ:حیدرآباد میں جی ڈی اے کندھ کوٹ میں مبینہ دھاندلی کے خلاف جے یوآئی ف کا احتجاجی دھرنا
کندھ کوٹ سے مختیاراحمداعوان کی کی رپورٹ کے مطابق این اے 191 کی نشست پر ہونے والی مبینہ دھاندلی کے خلاف جے یوآئی ف کی جانب سے احتجاج دھرنا دیا گیا،جے یو آئی ف کے کارکنان کی جانب سے انڈس ہائی وے گولا موڑ کے مقام پر قومی شاہراہ پر دھرنا دیکر روڈ کو بلاک کردیا ، روڈ بند ہونے سے دونوں اطراف سے گاڑیوں کی لمبی قطاریں لگ گئیں ، سندھ پنجاب بلوچستان KPK کے طرف ٹریفک کی روانی معطل ہوگئی ہے، مسافروں کو پریشانی کا سامنا ، دھرنے کے مقام پر جے یو آئی کے قافلے آنے کا سلسلہ جاری ہے
مظاہرین کے جانب سے ڈی آر او اور الیکشن کمیشن کے خلاف سخت نعریبازی کیا جارہا ہے،مظاہرین کا کہنا تھا کہ ملک بھر میں عام انتخابات کے نتائج کو چوری کرکے تبدیل کیا گیا جس کو ہرگز تسلیم نہیں کیا جائے گا ،ہم اپنے جیتے ہوئے مینڈیٹ کو چوری نہیں ہونے دینگے.،مظاہریں کا کہنا ہے کہ جب تک مرکز سے دھرنا ختم کرنے کا حکم نہیں آئیگا تب تک دھرنا جاری رہے گا،
میہڑ سے منظورعلی جوئیہ کی رپورٹ کے مطابق 8فروری کو ہونے والے عام انتخابات میں مبینہ دھاندلی کے خلاف حیدرآباد میں ہونے والےGDA دھرنے میں شرکت کیلئے پی ایس 81 سے الیکشن میں حصہ لینے والے امیدوار کریم علی جتوئی کی قیادت میںسینکڑوں کارکنوں کے ہمراہ 107گاڑیوں کا قافلہ میہڑ سے حیدرآباد کیلئے روانہ ہوا۔
