افغان طالبان کی پیش قدمی روکنے کے لیے جنرل عبدالرشید دوستم نے اتحاد بنالیا:لڑائی کے لیے تیار

مزارشریف:افغان طالبان کی پیش قدمی روکنے کے لیے جنرل عبدالرشید دوستم نے اتحاد بنالیا:لڑائی کے لیے تیار،اطلاعات کے مطابق جنرل دوستم سمیت کئی شمالی کمانڈروں نے صوبہ بلخ کے سابق گورنر عطا محمد نور کی قیادت میں طالبان سے لڑائی جاری رکھنے کا فیصلہ کیا ہے۔

ذرائع کے مطابق انہوں نے شاہین 209 کور کے تمام وسائل استعمال کرنے کا فیصلہ کیا ہے۔باغی ٹی وی کوملنے والی اطلاعات میں بتایا گیا ہے کہ اس وقت طالبان کے خلاف لڑنے کے لیے فوجی دستے تشکیل دیئے جارہے ہیں اورشمالی اتحاد کا یہ گروپ طالبان کوشکست دینے پربھی پرعزم دکھائی دیتا ہے

یہ بھی معلوم ہوا ہے کہ طالبان نے بھی اس حوالے سے اپنی جنگی حکمت عملی تبدیل کررکھی ہے اوروہ جب اس علاقے میں پہنچیں‌گے توپھرشمالی اتحاد کے ساتھ کیسے لڑنا ہے اس کی ترتیب دیں‌ گے

ذرائع کے مطابق اس حوالے سے طالبان مخالف قوتوں کے درمیان ایک تحریری معاہدہ بھی ہوا ہے جسے باغی ٹی وی نے حاصل کیا ہے ، اس معاہدےکے بعد علاقے میں صورت حال بگڑتی ہوئی نظرآتی ہے