جارجیا کے وزیراعظم نے استعفی کیوں دیا؟ وجہ سامنے آ گئی

جارجیا کے وزیر اعظم مموکا بخت زادے نے پیر کو وزارت عظمیٰ کے عہدے سے مستعفی ہونے کا اعلان کر دیا ۔مستعفی وزیراعظم نے فیس بک پراپنے پیغام میں لکھا کہ میں نے اپنے عہدے سے استعفی دینے کا فیصلہ کیا ہے کیونکہ مجھے لگتا ہے کہ اس مرحلے پر میں نے اپنا مشن پورا کیا ہے۔
ایسا کیا ہو گیا کہ اٹلی کے وزیر اعظم نے استعفی دے دیا
مموکا گذشتہ سال جون میں وزیراعظم کے عہدے پر براجمان ہوئے تھے۔ مموکا نے جارجیا کی حکمران جماعت ڈریم پارٹی کے سربراہ بڈزینا اینیش ویلی کا بھی شکریہ ادا کیا۔

جارجیا ڈریم کے قانون ساز ، جارجی ولسکی نے روسی نیوز ایجنسی کو بتایا کہ پارٹی میں وزیر اعظم کے امیدوار پر بات چیت ہو رہی ہے اور پارٹی منگل کو اس کا اعلان کرے گی۔

ولسکی نے کہا ، "اب تک ہم حکومت کی تشکیل میں مستقبل میں ہونے والی تبدیلیوں کے بارے میں 100 فیصد یقین کے ساتھ بات نہیں کرسکتے ہیں۔

جارجیاکے مقامی میڈیا کے مطابق وزیر داخلہ جیورگی گکھرآئندہ وزیر اعظم بن سکتے ہیں۔