پسرور :گیپکو ڈویژن یونین کے الیکشن میں شاہد ندیم کمبوہ نے میدان مار لیا

سیالکوٹ ،باغی ٹی وی (بیوروچیف شاہد ریاض سے)پسرور گیپکو ڈویژن یونین کے الیکشن میں شاہد ندیم کمبوہ نے میدان مار لیا،شاہد ندیم کمبوہ دو سال کے لیے گیپکو ڈویژن کے چیئرمین منتخب اور وائس چیئرمین محمد فیض گجر عرف فیضی منتخب

تفصیلات کے مطابق مورخہ 24 اگست آل پاکستان واپڈا ہائیڈرو الیکٹرک ورکر یونین سی بی اے کے قواعد و ضوابط کے مطابق الیکشن ہوا جس میں زاہد کمبوہ گروپ کے امیدوار برائے چیئرمین شاہد ندیم کمبوہ ، وائس چیئرمین محمد فیض گجر عرف فیضی کامیاب قرار پائے جنرل سیکرٹری کے ووٹ برابر ہونے کی وجہ سے دونوں سیکرٹریز کو ایک ایک سال کے لیے بذریعہ ٹاس منتخب کرلیا گیا جن میں پہلا سال راؤ شہزاد جبکہ دوسرے سال کے لیے محمد زبیر سیکرٹری ہونگے شاہد ندیم کمبوہ نے ٹوٹل 28 ووٹرز میں سے 16 ووٹ حاصل کئے اور کامیاب قرار پائے انکے مقابلے میں جہانگیر منصف جھٹول نے 12 ووٹ حاصل کئے اور دوسرے نمبر پر رہے اور وائس چیئرمین محمد فیض گجر عرف فیضی نے 15 ووٹ حاصل کئے اور پہلے نمبر پر آئے اور انکا مخالف امیدوار 13 ووٹ ہی حاصل کرسکا اور الیکشن ہار گیا کمبوہ گروپ کی جانب سے الیکشن جتنے کی خوشی میں جشن منایا گیا اور مبارکباد کا سلسلہ بھی شروع ہو گیا

شاہد ندیم کمبوہ کو چیئرمین بننے پر اور محمد فیض گجر عرف فیضی کو وائس چیئرمین بننے پر صدر تحصیل پسرور پریس کلب رجسٹرڈ پسرور سید حسنین گیلانی ، وائس چیئرمین تحصیل پسرور پریس کلب رجسٹرڈ پسرور اویس راجپوت ، ایم این اے علی زاہد ، ایم پی اے رانا محمد فیاض ، ایم پی اے خرم ورک ، احمد علی کوآرڈینیٹر ایم این اے ودیگر سیاسی رہنماؤں اور گیپکو ملازمین نے نے مبارکباد پیش کی