جرمنی اور پاکستان کے درمیان 2 ارب روپے کا معاہدہ ، پیسے کہاں خرچ ہوں گے ؟ جانیئے اس رپورٹ میں

اسلام آباد:پاکستان اور جرمنی کے درمیان باہمی رشتے پروان چڑھنے لگے. پاکستان اور جرمنی نے صحت کے شعبے میں دو ارب روپے کے منصوبے پر دستخط کردیئے ہیں۔وزارت خزانہ کی جانب سے جاری اعلامیہ کے مطابق پاکستان اور جرمنی نے صحت کے شعبے میں دو ارب روپے کے منصوبہ پر دستخط کردیئے۔

اسلام آباد سے وزارت خزانہ ذرائع کے مطابق سیکرٹری اقتصادی امور ڈویژن نور احمد اور جرمن ڈویلپمنٹ بینک کے کنٹری ڈائریکٹر نے معاہدے پر دستخط کیے۔اس موقع پر دونوں ممالک کی اہم شخصیات بھی اس موقع پر موجود تھیں.

جرمنی اور پاکستان کے درمیان ہونے والے معاہدے کے اعلامیے کے مطابق جرمنی گلگت بلتستان اور خیبرپختونخواہ میں صحت کے منصوبوں کیلئے ایک کروڑ بیس لاکھ یورو گرانٹ فراہم کرے گا۔ معاہدے پر دستخط کے موقع پر وفاقی وزیر اقتصادی امور حماد اظہر بھی موجود تھے