غنی ٹائیگر کے والد کے قتل میں ملوث تین ملزمان گرفتار
![](https://baaghitv.com/wp-content/uploads/2020/05/ghani.jpg)
سیالکوٹ کی تحصیل پسرور سے تعلق رکھنے والے ٹک ٹاک سٹار غنی ٹائیگر نے اپنی ٹک ٹاک ویڈیو میں روتے ہوئے بتایا تھا کہ ان کے والد کو کچھ افراد نے بےدردی سے قتل کردیا جبکہ ان کے بھائی پر قاتلانہ حملہ بھی ہوا ہے
باغی ٹی وی : سیالکوٹ کی تحصیل پسرور سے تعلق رکھنے والے غنی ٹائیگر نے اپنی ٹک ٹاک ویڈیو میں روتے ہوئے بتایا تھا کہ میری آنکھوں کے سامنے میرے والد کو گزشتہ روز قتل کردیا گیا ان کا کوئی قصور نہیں تھا ان لوگوں کے پاس اسلحہ تھا وہ میرے ابو مجھے اور میرے بھائی کو مارنے آئے تھے
https://www.instagram.com/p/B_v4zW3pSEW/?igshid=5hqlpl5a9mml
غنی ٹائیگرنے مزید بتایا کہ اس حملے میں میں بچ گیا میرے ابو کو راڈ سے سر پر مارا اور پھر ان کے سر میں گولی مار دی میرے بھائی کے پاؤں پر گولی لگی
ٹک ٹاک اسٹارنے اپنی ویڈیو میں انصاف کی اپیل کرتے ہوئے کہا تھا کہ میرے ابو ایک اچھے انسان تھے انہوں نے کبھی کسی کو کچھ نہیں کہا میری ماں صدمے میں ہے میرا بھائی ہسپتال میں ہے میرے ابو قبر میں ہیں میری زندگی تباہ کرنے والے میرے پاکستانی ہی ہیں
سوشل میڈیا پر اس ویڈیو کے وائرل ہونے کے بعد ٹویٹر پر’جسٹس فار داؤد‘ کا ہیش ٹیگ ٹرینڈ کرنے لگا جس کا استعمال کرتے ہوئے سوشل میڈیا صارفین سمیت کئی معروف شخصیات نے بھی غنی ٹائیگر سے ہمدردی کا اظہار کیا اور انصاف کے لئے حکومت سے اپیل کی
جس کے بعد وزیراعلی پنجاب کے فوکل پرسن برائے ڈیجیٹل میڈیا اظہر مشوانی نے ٹوئٹر پر بتایا کہ پولیس نے ایف آئی آر درج کرکے 3 ملزمان کو گرفتار کرلیا جبکہ 2 زخمی حالت میں ہسپتال میں ہیں
Video message of Ghani.
@wisalbcn pic.twitter.com/Iq3pWBQ3gW— Azhar Mashwani (@MashwaniAzhar) May 4, 2020
انہوں نے یہ بھی بتایا کہ یہ دو فریقوں کے مابین کراس فائرنگ کا واقعہ تھا
اظہر مشوانی نے اپنے ٹوئٹر پر ایک اور ویڈیو بھی جاری کی جس میں غنی ٹائیگر نے سیالکوٹ پولیس کے تعاون کا شکریہ بھی ادا کیا
ویڈیو میں غنی ٹائیگر نے بتایا کہ میرا نام غنی ٹائیگر ہے، جیسے کہ آپ جانتے ہیں 2 تاریخ کو بڑی بےدردی کے ساتھ میرے والد صاحب کو قتل کیا گیا جس کے بعد میں نے ویڈیو بھی پوسٹ کی میں مکمل طور پر ہوش و حواس میں نہیں تھا مجھے نہیں معلوم کہ میں نے اس ویڈیو میں کیا کہا اس کے باوجود سیالکوٹ پولیس نے ہمارے ساتھ تعاون کیا ہمیں تحفظ فراہم کیا
Video message of Ghani.
@wisalbcn pic.twitter.com/Iq3pWBQ3gW— Azhar Mashwani (@MashwaniAzhar) May 4, 2020
ٹک ٹاک سٹار کے مطابق پولیس نے تین ملزمان کو گرفتار کرلیا ہے جبکہ دیگر کی تلاش جاری ہے
ویڈیو کے آخر میں انہوں نے پولیس ،ڈی پی او ڈی سی اواور ایس ایچ او اور پوری قوم کا شکریہ ادا کرتے ہوئے کہا انہوں نے میرے لئے آواز بلند کی غنی نے کہا کہ انہیں یقین ہے کہ انشاءاللہ مجھے انصاف ضرور ملے گا