یونان میں غیر قانونی تارکینِ وطن کی ایک اور کشتی حادثے کا شکار ہو گئی۔
باغی ٹی وی :یونانی کوسٹ گارڈ کے مطابق ترکیہ سے روانہ ہونے والی ایک ربڑ بوٹ یونانی جزیرے کاستیلوریزو پہنچنے کی کوشش کے دوران ڈوب گئی کشتی میں 40 افراد سوار تھے جن میں 13 معصوم بچے بھی شامل تھے، ربڑ کی کشتی کی گنجائش صرف 8 سے 10 افراد کی تھی، لیکن انسانی اسمگلر نے زیادہ منافع کے لالچ میں 40 افراد کو سوار کرا دیا نہ کسی کو لائف جیکٹ دی گئی اور نہ ہی کشتی میں زندگی بچانے کا کوئی سامان موجود تھا۔
یونانی کوسٹ گارڈ کے مطابق حادثے کے بعد فوری ریسکیو آپریشن کیا گیا جس میں 38 تارکین وطن اور ایک انسانی اسمگلر کو زندہ بچا لیا گیا، جبکہ ایک شخص کی لاش سمندر سے نکال لی گئی، ڈوبنے والے شخص کی قومیت، جنس یا عمر کے بارے میں معلومات فراہم نہیں کی گئیں۔
حج پروازیں 28 مئی سے شروع ہوں گی،وزیر اعظم کی واضح ہدایات ہیں، وفاقی وزیر مذہبی امور
واضح رہے کہ یونانی جزیرہ کاستیلوریزو ترکیہ کی سرزمین سے صرف 3 کلومیٹر کے فاصلے پر واقع ہےیونانی حکام نے ایک بار پھر انسانی اسمگلنگ کے خلاف سخت کارروائی اور محفوظ امیگریشن پالیسیوں کی ضرورت پر زور دیا ہے۔
قصور: فارم ہاؤس پر چھاپہ، ڈانس پارٹی میں30 مرد 25 لڑکیاں گرفتار