اللہ کی قدرت کے عجب نظارے :وادی نیلم میں برف سے 22گھنٹے بعد زندہ نکلنے والی ہسپتال میں نہ بچ سکی

مظفر آباد:اللہ کی قدرت کے عجب نظارے :وادی نیلم میں برف سے 22گھنٹے بعد زندہ نکلنے والی ہسپتال میں نہ بچ سکی ، اطلاعات کےمطابق آزاد کشمیر کی وادی نیلم میں 22گھنٹے بعد برف سے زندہ نکالی جانے والی بچی صفیہ وفات پاگئی ہے۔وزیراعظم عمران خان نے بھی گزشتہ روز زیر علاج بچی کی عیادت کی تھی

مظفر آباد سے ذرائع کےمطابق یہ معلوم ہوا ہےکہ صفیہ کے دوبھائیوں سمیت گھر کے 8 افراد برفانی تودے تلے دب کرجاں بحق ہوگئے تھے اور 6 سالہ صفیہ کو 22 گھنٹے برف سے زخمی حالت میں نکالا گیا تھا۔پاک آرمی کے ہیلی کاپٹر نے زخمی بچی کو ریسکیو کرکے اسپتال منتقل کیا تھا۔ سرکاری اسپتال میں سی ٹی اسکین مشینری خراب ہونے کی وجہ سے اس کا پرائیویٹ اسپتال سے اسکین کروایا گیا تھا۔

یہ بات بڑی قابل غورہےکہ جب بچی برف میں 22 گھٹنے تک دبی رہی اوراس کی کسی کو بھی خبر نہیں تھی تواس وقت اللہ تعالیٰ نے اس کی حفاظت کی اورجب بچی زندہ حالت میں ہسپتال میں پہنچی اورڈاکٹروں نے نگرانی شروع کی تووہ اسے نہ بچا سکے ،گزشتہ رات صفیہ کو کمبائنڈ ملٹری اسپتال (سی ایم ایچ) مظفرآباد منتقل کیا گیاتھا جہاں وہ دم توڑ گئی۔