زلزلے کی وجہ سے منگلا ڈیم کا پانی گدلا ہوگیا ہے،
باغی ٹی وی کی رپورٹ کے مطابق ترجمان واپڈا کی جانب سے کہا گیا ہے کہ حفاظتی اقدامات کے پیش نظر منگلا پاور ہاؤس کی ٹربائنیں بند کی گئی ہیں، پانی صاف ہونے پر منگلا پاور ہاؤس کی ٹربائنوں کو دوبارہ چلا دیا جائے گا، بتایا گیا ہے کہ منگلا ڈیم اور پاور ہاؤس میں نصب آلات سے ڈیٹا اکٹھا کیا جارہا ہے، قبل ازیں یہ بھی بتایا گیا تھا کہ زلزلہ سے منگلا ڈیم اور پاور ہاؤس الحمدللہ محفوظ رہے ہیں،
واضح رہے کہ میرپورآزادکشمیر میں زلزلے کے دوران مختلف واقعات میں جاں بحق ہونے والے افرادکی تعداد 6 ہو گئی ہے جبکہ مزید جانی نقصان کا اندیشہ ہے،
