گلگت بلتستان اور خیبر پختونخوا میں گلیشیئر پھٹنےکا خدشہ

گلگت بلتستان اور خیبر پختونخوا میں گلیشیئر پھٹنےکا خدشہ ہے،محکمہ موسمیات کی جانب سے وارننگ جاری کردی گئی ہے۔

باغی ٹی وی : محکمہ موسمیات کا کہنا ہے خیبرپختونخوا میں 21 سے 27 مئی تک گرمی کی شدت میں اضافہ ہوگا ، درجہ حرارت بڑھنے سے چترال کے گلیشیر پھٹنے کے امکانات ہیں درجہ حرارت بڑھنے سے فلیش فلڈز آنے کے امکانات بڑھ جائیں گے درجہ حرارت 4 سے 6 ڈگری زائد رہےگا.

گلگت بلتستان اور چترال کے علاقوں میں برفانی جھیلیں پھٹنے سے سیلاب آسکتے ہیں، صوبے میں تیز ہوا اور گرد چمک کیساتھ بارش بھی متوقع ہے،محکمہ موسمیات نے متعلقہ محکموں کو فی الفور اقدامات اٹھانے اورضلعی انتظامیہ، مقامی تنظیموں اور مقامی آبادیوں کو محتاط رہنے کی ہدایت کی ہے-

اسحاق ڈار کی بطور ڈپٹی وزیر اعظم تعیناتی کیخلاف دائر درخواست سماعت کیلئے مقرر

گلیشیئر پھٹنے سے چترال اور گلگت بلتستان کے علاقے متاثر ہونے کا خدشہ ہے،صوبے میں تیز ہوا اور گرد چمک کیساتھ بارش بھی متوقع ہےمحکمہ موسمیات نے متعلقہ محکموں کو فی الفور اقدامات اٹھانے کی سفارش کردی ہے۔

بجلی تقسیم کار کمپنیوں میں ایف آئی اے اور انٹیلیجنس افسران کی تعیناتی کا …

دوسری جانب وزارت صحت نے ہیٹ اسٹروک سے بچنے کے لئے ہدایات جاری کرتے ہوئے کہا ہے کہ دن کے گرم ترین وقت میں باہر جانے سے گریز کریں، سخت جسمانی سرگرمیوں سے پرہیز کریں،ایمرجنسی ہیٹ ویو ریسپانس سینٹرزقائم کریں سائے میں رہیں ، بچوں اور جانوروں کو کھڑی گاڑیوں میں نہ چھوڑیں ،کافی مقدار میں پانی پئیں اور سخت سرگرمیاں صبح اور شام کے اوقات میں کریں، مریضوں کو سوفٹ ڈرنکس یا چائے پر مشتمل کیفین اور چینی کے استعمال سے گریز کرنا چاہیے، جو پانی کی کمی کو بڑھا سکتا ہے گرم مرطوب ماحولیاتی حالات کے دوران نمکین کھانوں اور چھتری کا استعمال کریں، ٹوپیاں، ہلکے رنگ کے ہلکے اور ڈھیلے کپڑے پہنیں-

صدر مملکت نجی دورے پر بیرون ملک روانہ،چیئرمین سینیٹ قائم مقام صدر