گوجرخان :گوجر خان پولیس کی بڑی کارووائی ، کرونا کے نام پرجنسی زیادتی کرنے والا ایک اورمجرم گرفتار،اطلاعات کے مطابق گوجر خان پولیس نے کارروائی کرتے ہوئے بیوہ خاتون کو کورونا فنڈ سے امداد کا جھانسہ دیکر جنسی زیادتی کا نشانہ بنانے کے مقدمہ میں ملوث ایک اور ملزم عرفان نذیر کو گرفتار کرلیا۔
گوجر خان پولیس کی کاروائی، بیوہ خاتون کو کورونا فنڈ سے امداد کا جھانسہ دیکر جنسی زیادتی کا نشانہ بنانے کے مقدمہ میں ملوث ایک اور ملزم عرفان نذیر گرفتار.
ملزمان گجرات سے کررونا فنڈ کی امداد کا جھانسہ دیکر گوجر خان لیکر آئے، متاثرہ خاتون pic.twitter.com/5C7z5EeEpr
— Rawalpindi Police (@RwpPolice) May 2, 2020
متاثرہ خاتون کے مطابق ملزمان گجرات سے کورونا فنڈ کی امداد کا جھانسہ دیکر اسے گوجر خان لے کر آئے اور زیادتی کا نشانہ بنایا۔ پولیس نے متاثرہ خاتون کی درخواست پر زیادتی کا مقدمہ درج کرکے ملزم صہیب پرویز کو گرفتار کرکے چالان کردیا تھا۔ ایس ایچ او گوجر خان کے مطابق گرفتار ملزم عرفان نذیر کو ٹھوس شواہد کے ساتھ چالان کیا جائے گا تاکہ عدالت سے کڑی سزا دلوائی جاسکے۔
ایس پی صدر ضیاء الدین کا کہنا ہے کہ سنگین جرائم میں ملوث افراد کو کیفر کردار تک پہنچانا پولیس کی اولین ترجیح ہے، خواتین اور بچوں پر کسی بھی قسم کی زیادتی یا تشدد ناقابل برداشت ہے۔ کامیاب کارروائی پر سی پی او محمد احسن یونس کی طرف سے ایس پی صدر اور گوجر خان پولیس کو شاباش دی گئی ہے۔
