ڈالر سستا ، سونا مہنگا ، کیا یہ کھلا تضاد نہیں ؟

کراچی : ڈالر سستا اور سونا مہنگا ہوگیا ، پاکستان میں صورت حال اس سے اور بھی مختلف ہے ، اطلاعات کے مطابق ڈالر سستا ہوگیا اور ساتھ یہ بھی حقیقت ہے کہ عالمی مارکیٹ میں تو سونا مہنگا نہیں ہوالیکن مقامی جیولرز نے فی تولہ ایک سو روپے مہنگا کر دیا، پاکستان میں سونے کی فی تولہ قیمت نواسی ہزار ایک سو روپے کی ملکی تاریخ کی نئی بلند ترین سطح پر پہنچ گئی۔

کراچی سے سندھ صرافہ ایسوسی ایشن کے مطابق پاکستان میں سونے کی فی تولہ قیمت ایک سو روپے کے اضافے سے نواسی ہزار ایک سو روپے ہو گئی۔ دس گرام سونا ستاسی روپے کے اضافے سے چھہتر ہزار تین سو نوے روپے کا ہو گیاجبکہ 22 کیرٹ سونے کی قیمت ستر ہزار تئیس روپے فی دس گرام ہو گئی۔