گوندالوالہ پھاٹک پر مخالفین کی فائرنگ سے دو بھائی قتل، ایک راہگیر زخمی

گوجرانوالہ، باغی ٹی وی (نا مہ نگار محمد رمضان نوشاہی ) گوندالوالہ پھاٹک پر مخالفین کی فائرنگ سے دو بھائی قتل، ایک راہگیر زخمی،مقتولین اور ملزمان میں پراپرٹی کا تنازع چل رہا تھا،

گوجرانوالہ پیشی سے واپس آتے ہوئے گوندالوالہ پھاٹک گوجرانوالہ میں سابقہ دشمنی پر مخالفین کی فائرنگ سے 02 بھائی قتل اور ایک راہگیر زخمی ہو گیا، پولیس کے مطابق مقتولین اور ملزمان میں پراپرٹی کا تنازع چل رہا تھا،

آئی جی پنجاب ڈاکٹر عثمان انور نے ریجنل پولیس آفیسر گوجرانوالہ سے واقعہ کی رپورٹ طلب کر لی اور سٹی پولیس آفیسر گوجرانوالہ کو فائرنگ میں ملوث ملزمان کی جلد گرفتاری کا حکم دے دیا،

آئی جی پنجاب ڈاکٹر عثمان انور کا کہنا ہے کہ فائرنگ کرنے والے ملزمان کو جلد از جلد گرفتار کر کے قانون کے کٹہرے میں پیش کیا جائے .