بھارتی کھلاڑی بھی انتہا پسند ، شاہد آفریدی کے کشمیر جانے کے اعلان پر گوتم گمبھیرآگ بگولہ ہوگئے

اسلام آباد : بھارتی کھلاڑی بھی ہندتوا کے نظریہ پر انتہا پسندی کا مظاہرہ کرنے لے ، بھارتی کرکٹر گوتم گمبھیر ایک بار پھر شاہد آفریدی پر برس پڑے ، اطلاعات کے مطابق پاکستان کے مایہ ناز کرکٹر شاہد آفریدی کی اپنے وزیراعظم کی کال پرکشمیریوں سے اظہار یکجہتی کے لیے کشمیر جانے کی جتنی تکلیف بھارتی کھلاڑی گوتم کوہوئی ہے کسی اور کو شاید ابھی نہیں‌ہوگئی ،

ذرائع کے مطابق کشمیریو سے اظہار یکجہتی کے لیے جانے کا اعلان بھارتی تعصب زدہ کرکٹر گوتم گمبھیر کو پسند نہیں آیا، کہتے ہیں شاہد آفریدی ابھی تک میچور نہیں ہوئے۔ گراؤنڈ کے حریف، سماجی کاموں میں بھی آمنے سامنے آ گئے۔ شاہد آفریدی نے کشمیریوں سے یکجہتی کیلئے اپنے وزیراعظم کی کال پر لبیک کہا اور مداحوں کو جمعے کو مزار قائد پر جمع ہونے کا پیغا م بھی دیا۔

ذرائع کے مطابق بھارت کے سابق کرکٹر اور موجود ہ سیاستدان گوتم گمبھیر کو یہ ٹوئٹ زیادہ گمبھیر لگا۔ اسی لیے آفریدی کو امیچور لکھا ، تو سوشل میڈیا پر خود ہی مذاق کا نشانہ بن گئے۔ سابق انڈین سائیکولوجسٹ کوچ پیڈی اپٹن نے گوتم کو نہ صرف ذہنی مریض کہہ دیا بلکہ انہیں دنیا کے اِن سیکیور لوگوں میں سے ایک بھی قرار دیا۔ شاہد آفریدی نے جواب دیا کہ کراچی کا موسم تبدیل ہو رہا ہے، گوتم بھی موسم کی طرح خود کو بدلنے کا عادی ہے۔سوشل میڈیا پر اس وقت بھارتی کھلاڑی کے اس رویے پر بڑی تنقید ہورہی ہے.