دلہن کا فوٹوشوٹ 50 ہزار میں،گورنرہاوس بھی کمائی کرنے لگا

لاہور:اب حکومت گورنرہاوس کو پیسے دے گی نہیں بلکہ گورنرہاوس سے پیسے لے گی ، گورنرہاوس خاص افراد نہیں بلکہ عام شہری بھی جاسکیں گے ، اطلاعات کے مطابق گورنر ہاؤس میں عام شہریوں کے داخلے پرٹکٹ لگانے کا فیصلہ ، گورنر ہاؤس میں داخل ہونے کیلئے عام شہری 20 روپے کا ٹکٹ خریدے گا، دلہن کے فوٹو شوٹ کیلئے پچاس ہزار روپے مقررکرنےکی تجویزبھی شامل ہے۔

برطانوی وزیراعظم نے مسئلہ کشمیرکے بارے میں کیا کہہ دیا کہ بھارت پریشان ہوگیا

ذرائع کے مطابق گورنر پنجاب چودھری محمد سرور نے اس سلسلے میں کافی دیرپہلے وزیراعظم عمران خان سے مشاورت کی تھی ، تاہم اب وزیراعظم کےدورہ لاہورکے دوان اس تجویز کی منظوری دی گئی ، اطلاعات یہی ہیں‌کہ وزیراعظم کے ساتھ مشاورت کے بعد گورنر ہاوس کھولنے اور پرائیویٹ سیکٹر کو دینے کا فیصلہ کیا، جس پر پنجاب حکومت نے اپنی سفارشات تیار کرلی ہیں۔

وزیراعظم کے خلاف تقریرکرنے پر اپوزیشن لیڈرکو تین سال کی سزا

پنجاب حکومت کی طرف سے مجوزہ طریقہ کار کے مطابق ہفتہ اوراتوارکو20 روپے کا ٹکٹ خریدنے کے بعد عام شہری گورنر ہاؤس میں داخل ہوسکے گا، گورنر ہاوس میں پرائیویٹ تقریبات منعقد کرنے کی سفارشات بھی تیار کرلی گئی ہیں، گورنر ہاؤس کے گائیڈڈ ٹور کیلئے 2 ہزار اور غیر ملکیوں کیلئے6 ہزارفیس مقرر کرنے کی تجویز ہے۔

ذرائع کے مطابق گورنرہاوس کے گائیڈڈ ٹور میں چائے کافی ہوگی اور طلبا سمیت سینئر سٹیزن کیلئے پچاس فیصد رعایت ہوگی، کا رپوریٹ فنکشن کیلئے 5 لاکھ سے 10 لاکھ روپے فیس مقرر کرنے کی تجویزہے، دربار ہال میں عام تقریبات کیلئےدو گھنٹوں کا 1 لاکھ روپے مقرر کرنے کی تجویز تیار کی گئی، دلہن کے فوٹو شوٹ کیلئے 50 ہزار جبکہ دلہا کے شوٹ کی رقم الگ ہوگی۔

اوراندراگاندھی کوگولی ماردی گئی !

کمرشل شوٹ کیلئے 10 لاکھ سے پچاس لاکھ روپے مقرر کرنے کی تجویز تیار کی گئی ہے، گورنر ہاؤس عام شہریوں کیلئے ہفتہ اتوار جبکہ دیگر تقریبات ہفتہ میں چھ دن تک منعقد کیں جاسکیں گی۔ دوسری جانب حکام کے مطابق تجاویز کے حتمی منظوری گورنر پنجاب چودھر ی محمد سرور دیں گے۔