گورنرعمران اسماعیل سے امریکہ کے قونصل جنرل رابرٹ سلبرسٹین کی ملاقات

گورنر سندھ عمران اسماعیل سے امریکہ کے قونصل جنرل رابرٹ سلبرسٹین کی گورنر ہاﺅس میں ملاقات۔

ملاقات میں پاک امریکہ سفارتی وتجارتی تعلقات خطہ کی صورتحال پاکستان کی معاشی شہ رگ کراچی کا عالمی معیشت میں کردار اور سرمایہ کاری کے مواقع سمیت اہمیت کے حامل دیگر امور پر تفصیلی تبادلہ خیال بھی کیا۔

اس موقع پر نئے تعینات ہونے والے ڈپٹی قونصل جنرل میتھیو فارنس اور سیاسی و اقتصادی سربراہ الیگزینڈرا زٹل بھی موجود تھے۔

موثر سفارت کاری کے ذریعہ خطہ میں دیر پا امن‘خوشحالی‘غربت کے خاتمہ اور مشترکہ مفادات کا تحفظ یقینی بنانے پر اتفاق کیا۔

دونوں ممالک کے درمیان مختلف شعبوں میں اقتصادی تعاون خوش آئند ہے۔موجودہ دور حکومت میں پاکستان ترقی کی درست سمت کی طرف گامزن ہے۔

خطے میں پائیدار امن کیلئے کشمیر میں مظالم کا خاتمہ اور مسئلہ کشمیر کا حل ضروری ہے۔ امریکہ پاکستان کو خوشحال، تترقیی افتہ اور مستحکم دیکھنے کا خواہشمند ہے۔

امریکی سرمایہ کار تعلیم اور صحت سمیت مختلف شعبوں میں سرمایہ کار ی کیلئے بھرپور دلچسپی رکھتے ہیں۔