عمران خان کے ایک اور وعدے کی تکمیل، یکساں نظام تعلیم ، اب انگریزی نہیں اردو پرائمری تک ذریعہ تعلیم ہوگی

لاہور :پنجاب حکومت نے وزیر اعظم کے ویژں کو آگے بڑھاتے ہوئے یکساں نظام تعلیم اپنانے کے وعدے پر کام شروع کردیا ہے. اس سلسلے میں حکومت پنجاب نے پرائمری سطح پر سرکاری اسکولز میں تعلیمی نصاب انگریزی میں نہ کرنے کا فیصلہ کیا ہے.

پرائمری سطح پر ذریعہ تعلیم (Medium of Instruction) انگلش ہونے کی وجہ سے اساتذہ اور بچوں کا سارا وقت مضمون کو سمجھنے کی بجائے ترجمہ کرنے میں صرف ہو جاتا ہے اور بچے کچھ نیا سیکھ نہیں پاتے

اگلے تعلیمی سال (مارچ 2020) سے پنجاب کے پرائمری سکولوں میں ذریعہ تعلیم اردو کر دیا جائے گا pic.twitter.com/yzXSyz0YHH

— Usman Buzdar (@UsmanAKBuzdar) July 27, 2019

پنجاب حکومت کے اعلان کے مطابق آئندہ تعلیمی سال 2020 سے انگریزی صرف بطور مضمون پڑھائی جائے گی ۔ حکومت پنجاب آئندہ سال سے تعلیمی نصاب اردو میں کردے گی ۔

صوبے میں یکساں نظام تعلیم لاگو کرنے کے حوالے سے وزیراعلیٰ پنجاب کا کہنا ہے کہ پرائمری سطح پر ذریعہ تعلیم انگلش میں ہونے کی وجہ سے اساتذہ اور بچوں کا سارا وقت مضمون کو سمجھنے کے بجائے ترجمہ کرنے میں مصروف ہوجاتاہےاور بچے کچھ نیا سیکھ نہیں پاتے ۔لہٰذا اب حکومت نے سب کے لیے ایک ہی طرز کا نصاب لاگو کرنے کا فیصلہ کرلیا ہے