کورونا سے آگاہی سے متعلق حکومت کی جدوجہد قوم مان گئی ،7 زبانوں میں واٹس ایپ ہیلپ لائن جاری

لاہور:کورونا سے آگاہی سے متعلق حکومت کی جدوجہد کو شہبازشریف بے شک نہ مانیں مگرقوم مان گئی ،7 زبانوں میں واٹس ایپ ہیلپ لائن جاری،اطلاعات کے مطابق کرونا سے آگاہی اورکرونا سے مزاحمت کے لیے حکومت پاکستان جس محنت اورخلوص نیت سے کام کررہی ہے اس کے اثرات اسلام آباد سے لیکرملک کے دوردراز علاقوں تک دیکھنے کو ملے ہیں‌

Government of Pakistan takes yet another innovative step by launching ‘Whatsapp Corona Helpline’

While sitting at home, just message ‘Hi’ to +923001111166 and get all Corona related info; be it about latest statistics or finding the nearest Lab#COVID19Pakistan pic.twitter.com/stJfOgVBn2

— Prime Minister's Office (@PakPMO) March 30, 2020

ذرائع کےمطابق اس سلسلے میں حکومت نے کورونا وائرس کی آگاہی کے لیے مختلف زبانوں میں واٹس ایپ ہیلپ لائن جاری کردی ہے۔حکومت پاکستان کی جانب سے 7 زبانوں میں واٹس ایپ ہیلپ لائن جاری کی گئی ہے جس سے عوام با آسانی کورونا وائرس کی تصدیق شدہ معلومات اور آگاہی حاصل کرسکیں گے۔

ان 7 مقامی زبانوں میں انگریزی، اردو، پنجابی، پشتو، سندھی، بلوچی اور کشمیری زبان شامل ہے۔اس ہیلپ لائن سے شہری کوروناکی اپ ڈیٹ اور خطرےکی صورتحال بھی جان سکیں گے۔اس حوالے سے وزیراعظم آفس کی جانب سے کہا گیا ہے کہ واٹس ایپ ہیلپ لائن عوام کو مستند معلومات کی فراہمی میں اہم قدم ہے۔

وزیراعظم آفس کے مطابق واٹس ایپ ہیلپ لائن پرپیغام بھیجتے ہی مطلوبہ معلومات فراہم کردی جائیں گی۔واضح رہے کہ وزیراعظم عمران خان نے عالمگیر وبا سے مقابلے کے لیے عوام کو پیغام دیا ہےکہ ’کورونا سے ڈرنا نہیں لڑنا ہے‘۔

خیال رہے کہ ملک میں مہلک وائرس سے اموات کی مجموعی تعداد 25 تک پہنچ گئی جب کہ متاثرہ مریضوں کی تعداد 1800 سے تجاوز کر گئی ہے۔