مریضوں کے لیے خوشخبری آگئی: پنجاب حکومت نے ہسپتالوں میں ا و پی ڈیز کھولنے کے احکامات جاری کردیئے

لاہور:پنجاب حکومت کا تمام سرکاری ہسپتالوں میں ا و پی ڈیز کھولنے کے احکامات جاری ،اطلاعات کےمطابق پنجاب حکومت نے تمام سرکاری اورغیرسرکاری ہسپتالوں میں فوری طور پر ا و پی ڈیز کھولنے کا حکم دے دیا ہے ۔

ذرائع کےمطابق پنجاب سپیشلائزڈ ہیلتھ کیئرکی طرف سے جاری حکم نامے میں کہا گیا ہےکہ تمام سرکاری اورپرائیویٹ ہسپتالوں میں تمام شعبوں کے ڈاکٹرز مریضوں کا چیک اپ کریں گے۔ذرائع کے مطابق محکمے کا کہنا ہے کہ اوپی ڈیز بند ہونے سے روزانہ 40سے 45ہزار مریض متاثر ہو رہے تھے۔

یاد رہے کہ اس سے پہلے ہسپتالوں کی اوپی ڈیز کھولنے کے حوالہ سے فیصلہ وزیر قانون پنجاب محمد بشارت راجا اور چیف سیکرٹری پنجاب میجر (ر)اعظم سلیمان خان کی زیر صدار ت ہونے والے اجلاس میں کیا گیا تھا ۔ پنجاب کے سرکاری ہسپتالوں کی اوپی ڈیز فوری طور پر کھولنے کے احکامات جاری کئے گئے ۔

چیف سیکرٹری پنجاب کی جانب سے جاری اعلامیہ میں کہا گیا تھا کہ تمام ہسپتالوں کی انتظامیہ کو احکامات جاری کر دیئے گئے کہ فوری طور پر ہسپتالوں کی او پی ڈیز کھول دی جائیں اور تمام شعبوں میں ڈاکٹرز مریضوں کا چیک اپ کریں گے

ذرائع کے مطابق آج پنجاب سپیشلائزڈ ہیلتھ کیئرکی طرف سے جاری احکامات میں مزید ترمیم کی گئ ہے ،کیوںکہ پہلے صرف سرکاری ہسپتالوں کے بارے میں یہ حکم تھا . لیکن تازہ حکم پرائیویٹ ہستپالوں کے بارے میں بھی ہے
یاد رہےکہ ہسپتالوں کی اوپی ڈیزکے بند ہونے اورڈاکٹروں کو حفاظتی کٹس فراہم کرنے کے حوالے سے سپریم کورٹ میں ایک درخواست کے بعد یہ ترمیم شدہ فیصلہ آیا لے