اسلام آباد: بالآخر عمران خان کی قیادت میںکام کرنےوالی وفاقی حکومت کی کوششیں رنگ لانے لگیں اور ایک سال کے دوران ٹیکس دہندگان کی تعداد میں 7 لاکھ سے زائد کا ریکارڈ اضافہ ہوا ہے۔
اسلام آباد سے ذرائع کے مطابق فیڈرل بورڈ آف ریونیو (ایف بی آر) کے اعداد و شمار کے مطابق ٹیکس گوشوارے جمع کرانے والے افراد کی تعداد 7 لاکھ اضافے کے بعد 21 لاکھ 94 ہزار تک پہنچ گئی۔
یاد رہے کہ گزشتہ دنوں حکومت کی جانب سے اثاثے ظاہر کرنے کی اسکیم بھی متعارف کرائی گئی تھی جس سے ہزاروں افراد نے استفادہ کیا ہے۔ایف بی آر کا کہنا ہے کہ چھوٹے اور بڑے دکانداروں کو بھی ٹیکس نیٹ میں لانے کیلئے فکس ٹیکس کی تجاویز زیر غور ہیں۔
