وزیراعظم دینی مدارس کےطلبا کو بیورو کریٹس ، ڈاکٹرز، انجینئرزاورجج دیکھنا چاہتے ہیں،عثمان ڈار

اسلام آباد:وزیراعظم عمران خان دینی مدارس کے طلباکوبیوروکریٹس،ڈاکٹرز،انجینئرزاورجج دیکھنا چاہتے ہی،عثمان ڈار نے کی دلی خواہش بیان کردی،عثمان ڈار نے کہا ہےکہ اسی سلسلے میں بہت جلد دینی مدارس میں ٹیکنیکل ایجوکیشن کا بندوبست کیا جارہا ہے، عثمان ڈار نے خوشخبری سنادی ،اطلاعات کےمطابق وزیر اعظم کے مشیر برائے امور نوجوان عثمان ڈار کا کہنا ہے کہ فنی تعلیم سے متعلق ملک بھر میں 75 اسمارٹ کلاس رومز قائم کیے جائیں گے، 70 مدارس میں بھی تکنیکی تعلیم کی فراہمی کا انتظام کیا جائے گا۔

عثمان ڈار نے نیوز کانفرنس سے خطاب کرتے ہوئے کہا کہ پہلے مرحلے میں ایک لاکھ 70 ہزار نوجوانوں کو ہنر مند بنایا جائے گا، پہلے سے ہنر مند نوجوانوں کو جانچ کے بعد سرٹیفیکیٹ دیے جائیں گے۔عثمان ڈار کا کہنا تھا کہ ملک میں نیشنل ایکریڈیشن کونسل کا قیام عمل میں لایا جائے گا، ٹیوٹا کے 2 ہزار اداروں کی ایکریڈیشن کی جائے گی۔ پیشہ وارانہ تربیت کے حوالے سے معیار مقرر کیے جائیں گے۔

عثمان ڈارنے کہا ہےکہ وزیراعظم اپنے دینی مدارس کے طلباکومقابلے کے امتحانات میں لانا چاہتے ہیں جہاں سے وہ اس ملک کے بڑے بڑے افسران،بیورکریٹس،ڈاکٹرز،انجینئرزاورجج بن کرملک وقوم کی خدمت کریں ، عثمان ڈارنے انکشاف کیا کہ وزیراعظم ہروقت دینی مدارس کے طلباء کے مستقبل کے بارے میں سوچتے رہتے ہیں اورہدایات دیتے رہتے ہیں‌کہ جتنی جلدی ممکن ہوسکے دینی مدارس کے طلباء کواس قابل بنایا جایا کہ وہ دین کے علوم وفنون کےساتھ دنیاوی علوم پردسترس حاصل کرکے اپنی ذمہ داریاں پوری کریں‌

وزیر اعظم کے مشیر برائے امور نوجوان عثمان ڈار نے کہا کہ 75 اسمارٹ کلاس رومز قائم کیے جائیں گے، 70 مدارس میں بھی تکنیکی تعلیم کی فراہمی کا انتظام کیا جائے گا۔ دوست ملکوں کے اشتراک سے 5 سینٹر آف ایکسی لنس قائم کیے جائیں گے۔معاون خصوصی کا کہنا تھا کہ ٹیوٹا انسٹی ٹیوٹس کو عالمی اداروں سے منسلک کیا جائے گا، شفقت محمود سمیت دیگر افراد نے بہت زبردست کام کیا۔ ایسا پروگرام تاریخ میں پہلے شروع نہیں کیا گیا۔

خیال رہے کہ اس سے قبل وزیر اعظم عمران خان کی زیر صدارت نوجوانوں کی فلاح و بہبود سے متعلق اجلاس منعقد ہوا تھا جس میں وزیر اعظم نے ہنر مند پاکستان منصوبے کی منظوری دے دی تھی۔منصوبے کے لیے 30 ارب روپے کی خطیر رقم مختص کی گئی ہے۔ وزیر اعظم کل ہنرمند پاکستان پروگرام کا افتتاح کریں گے۔

اس موقع پر وزیر اعظم عمران خان کا کہنا تھا کہ نوجوان ملک کا اصل اثاثہ ہیں، بدقسمتی سے ماضی کی حکومتوں نے نوجوانوں کو نظر انداز کیا۔ نوجوانوں کو تعلیم کے باوجود نوکری کے لیے مشکلات کا سامنا کرنا پڑتا ہے۔پروگرام کے تحت ٹیچر ٹریننگ، اسمارٹ لیب اور بزنس انکیوبیشن سینٹر قائم ہوں گے۔ تربیت پانے پر نوجوانوں کو بین الاقوامی اجازت نامے ملیں گے، ہنر کی تربیت دینے والے اداروں کی صلاحیت میں بھی اضافہ کیا جائے گا۔