ہدف کے تعاقب میں گرین شرٹس نے جلد وکٹیں گنوا لیں.
باغی ٹی وی :بنگلہ دیش کی طرف سے پانچ وکٹوں کے نقصان پر 141 رنز کے ہدف کے تعاقب میں قومی ٹیم کی طرف سے اننگز کا آغاز بابر اعظم اور احسن علی نے کیا۔ گرین شرٹس کا آغاز مایوس کن اس وقت ثابت ہوا جب کپتان پہلے اوور کی دوسری گیند پر صفر رنز پر شفیع الاسلام کی گیند پر لٹن داس کو کیچ دے بیٹھے، محمد حفیظ بھی آوٹ ہوگئے ، شعیب ملک اور احسن علی کریز پر کھڑے ہیں.پاکستان نے و کٹ کے نقصان پر 35 رنز بنائے .
زندہ دلان کے شہر لاہور میں پھر کرکٹ کی بہار، بنگلا دیشی ٹیم کی آمد سے رونقیں دوبالا ہو گئیں، پاک بنگلا ٹی ٹوئنٹی سیریز کا پہلا ٹاکرا قذافی اسٹیڈیم میں کچھ دیر بعد شروع ہو جائے گا۔ چھکے چوکوں کی بہار آئے گی، وکٹوں کی بھی جھڑی لگے گی، کرکٹ دیوانے بے قرار، انتظار شدید ہونے لگا۔ قومی ٹیم نئے کمبی نیشن پر مشتمل ہے، امام الحق کی جگہ احسن علی کے ڈیبیو یقینی، محمد حفیظ اور شعیب ملک کی واپسی سے ناکامیوں کو بریک لگ سکتی ہے۔
آسٹریلیا میں تہلکہ مچانے والے بولر حارث رؤف اسپیڈ گن کے ساتھ اِن ایکشن ہوں گے، کپتان بابر اعظم کو اپنے کھلاڑیوں پر مان، تیاریاں اور جوڑ توڑ بھی فائنل ہو گیا۔
دوسری جانب بارہ سال بعد ٹی ٹوئنٹی کھیلنے بنگلادیشی ٹیم کی پاکستان انٹری، مشفق الرحیم کی عدم شرکت سے بنگال ٹائیگرز مشکل میں ہیں، تمیم اقبال اور کپتان محمود اللہ کا کڑا امتحان ہو گا۔ تماشائیوں نے بھی مقابلہ دیکھنے کے پلان بنا لیے
