یونان کشتی حادثہ؛ مزید انسانی اسمگلر گرفتار

یونان کشتی حادثے کے بعد ایف آئی اے کی جانب سے ملک بھر میں انسانی اسمگلرز کے خلاف کریک ڈاون جاری ہے، اور اب تک درجنوں انسانی اسمگلرز کو گرفتار کیا جاچکا ہے۔ ایف آئی کے مطابق اینٹی ہیومن ٹریفکنگ سرکل گجرات نے کشتی حادثے میں ملوث بدنام زمانہ 2 انسانی اسمگلرز کو گرفتار کر لیا ہے، گرفتار ملزمان میں میاں امجد اور احسان اللہ شامل ہیں۔

ایف آئی اے کے مطابق ملزمان کو گجرات سے گرفتار کیا گیا ہے، اور ان کی نشاندہی متاثرین کے لواحقین نے کی تھی۔ ترجمان ایف آئی اے نے بتایا کہ انسانی اسمگلروں نے مختلف شہریوں کو بیرون ملک یورپ کا جھانسہ دے کر لاکھوں روپے بٹورے، اور لیبیا سے یورپ بذریعہ کشتی بھجوانے میں ملوث تھے، جب کہ گرفتار ہونے والے ملزمان انٹرنیشنل اسمگلنگ کے گروہ سے بھی رابطے میں تھے۔
مزید یہ بھی پڑھیں؛
وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے
عالمگیر ترین کی نماز جنازہ کب ہو گی؟ اعلان ہو گیا
نواز شریف کو سیاسی انتقام کا نشانہ بنایا گیا،مریم اورنگزیب
عالمگیر خان ترین کے موت کی خبر نے کر کٹ حلقوں کو بھی سوگوار کر دیا
تمیم اقبال انٹرنیشنل کرکٹ سے ریٹائر
بینظیر کفالت سہ ماہی وظائف کی 55ارب 41 کروڑ سے زائد رقم تقسیم
ترجمان ایف آئی اے کا کہنا ہے کہ یونان کشتی حادثے میں ملوث عناصر کے خلاف بلا امتیاز کارروائیاں جاری ہیں، ڈپٹی ڈائریکٹر ایف آئی اے کی زیر نگرانی ٹیمیں مختلف علاقوں میں چھاپہ مار کارروائیاں کر رہی ہیں، اور ملزمان کی گرفتاری کے لئے لواحقین کے ساتھ مسلسل رابطے میں ہیں، ملزمان کی گرفتاری کے لئے تمام تر وسائل کو بروے کار لایا جارہا ہے۔