گلاب کا پھول کس کی علامت ہے؟ اور اسے کیا اہمیت حاصل ہے؟
![](https://baaghitv.com/wp-content/uploads/2021/02/IMG-20210226-WA0101-1.jpg)
مظفرگڑھ موسم بہار کی آمد کے ساتھ ہی ہر طرف رنگ برنگے پھول دلکش نظارہ پیش رہے ہیں ان رنگ برنگے پھولوں میں پھولوں کا بادشاہ گلاب بھی شامل ہے
گلاب کا پھول دیکھنے میں تو بہت خوبصورت ہے ہی مگر یہ پھول اپنی خوش شکل کے ساتھ ساتھ من پسند خوشبو کی وجہ سے پھولوں کا بادشاہ بھی کہلاتا ہے گلاب کا پھول محبت کی علامت سمجھا جاتا ہے اس کے شوخ رنگ جذبات کے اظہار کا موئثر ذریعہ ہے۔
جب گلاب کا پھول شاعر کی شاعری میں آتا ہے تو شعرا اسے محبت کی ڈوری میں پرو کے اپنی الفت کا اظہار کرتے ہیں جب طبیب کے ہاتھ لگتا ہے تو طبیب اسے کشید کر کے انسان کے فائدے کے لیے دوائیں تیار کرتا ہے گلاب اپنی خوش شکل اور من پسند خوشبو کی وجہ سے پھولوں کا بادشاہ کہلاتا ہے اس کی کاشت پوری دنیا میں مختلف ناموں سے کی جاتی ہے گلاب کی ایک سو سے زائد اقسام کے ہوتے ہیں گلاب کا تصور ذہن میں آتے ہی ایک مسحور کن احساس ذہن میں سراعیت کرنے لگتا ہے۔
گلاب کا پھول کبھی کسی کے گلے کا ہار بنتے ہے تو کبھی کسی کی کلائی کا کنگن کبھی کسی کے بالوں کا جھوڑا اور کبھی گلاب کے پھول کو پتیوں کی شکل اختیار کرنا پڑتی ہےبعض لوگ اسے میت پر بھی ڈالتے ہیں
مجیب الرحمان شامی باغی ٹی وی مظفرگڑھ