کوئٹہ:گوادر شہر میں زوردار دھماکے :2 بچے ہلاک ،اطلاعات کے مطابق گوادرشہر میں ابھی تھوڑی دیرپہلے زورداردھماکے میں 2 بچوں کے جانبحق ہونے اوردیگرکے زخمی ہونے کی اطلاعات ہیں
گوادرسے ذرائع کے مطابق یہ دھماکہ بلوچ وارڈ گوادر ایکسپریس وے کے قریب ہوا ہے، اس دھماکے کی آوازیں دوردورتک سنائی دیں ، یہ بھی سننے میں آرہاہےکہ قریبی عمارتوں کو بھی نقصان پہنچا ہے
ادھر اس دھماکے کے نتیجے میں غیرمصدقہ اطلاعات میں بتایا گیا ہے کہ 2 افراد ہلاک ہوئے اوریہ بھی کہا جارہا ہے کہ ان میں سے اکثرغیرملکی ہوسکتےہیں ، یہ بھی کہا جارہا ہےکہ یہ ہلاک ہونے والے چینی شہری بھی ہوسکتے ہیں
یہ بھی بتایا جارہا ہے کہ جنہیں ہسپتال منتقل کردیا گیا ، یہ بھی معلوم ہوا ہے کہ سیکورٹی اداروں نے اس علاقے کواپنی تحویل میں لے لیا اورواقعہ کی تحقیقات شروع کردی ہیں
ابتدائی معلومات کے مطابق ایکسپریس وے جانے والی گاڑی کے قریب یہ خودکش دھماکہ ہوا ہے ، ایکپریس وے بلوچ وارڈ کے مقام پر دھماکے کے نیتجے میں دو بچے شہید ہوگئے
دھماکے سے دو بچے اور ایک شخص زخمی بھی ہوگیا ، یہ بھی بتایا جارہا ہے کہ دھماکے سے ایکسپریس وے پر موجود ایک چینی انجئیر بھی معمولی زخمی ہوا۔
