خیبر پختونخوا حکومت صوبے میں فنی تعلیم کو جدید تقاضوں پر استوار کرنے کےلئے عملی کوشیں کر رہی ہے، سیکرٹری صنعت

خیبر پختونخوا حکومت صوبے میں فنی تعلیم کو جدید تقاضوں پر استوار کرنے کےلئے عملی کوشیں کر رہی ہے، سیکرٹری صنعت

پشاور ۔ 26 جولائی (اے پی پی)سیکرٹری صنعت، تجارت و ٹیکنیکل ایجوکیشن عامر لطیف نے کہا کہصوبائی حکومت صوبے میں فنی تعلیم کو جدید تقاضوں پر استوار کرنے کےلئے عملی کوشیں کررہی ہے ۔ ان خیالات کا اظہار انہوں نے پشاور میں خیبر پختونخوا بورڈ آف ٹیکنیکل ایجوکیشن میں نمایاں پوزیشن حاصل کرنے والے طلبہ میں تقسیم انعامات کے موقع پر منعقدہ تقریب سے خطاب کرتے ہوئے کیا ۔ سیکرٹری عامر لطیف نے تمام اداروں کے پرنسپل، والدین اور طلباء کو مبارکباد پیش کی اور اس خواہش کا اظہار کیا کہ مستقبل میں بھی اس سلسلے کو جاری رکھا جائے گا اور طلبہ کو جدید تقاضوں سے ہم آہنگ کرنے کےلئے بھرپور کوشیں کی جائےں گی ۔ انہوں نے طلباء پر زور دیا کہ وہ نئے دور کے چیلنجوں سے مقابلہ کرنے کےلئے سخت محنت کرےں ۔ انہوں نے بورڈ کے عہدیداروں پر زور دیا کہ وہ انفارمیشن ٹیکنالوجی کا زیادہ سے زیادہ استعمال کریں اور فنی تعلیم کو جدید خطوط پر استوار کریں ۔ اس موقع پر خیبر پختونخوا بورڈ آف ٹیکنیکل ایجوکیشن کے تحت مختلف شعبوں بشمول ڈپلومہ ان کامرس ،ڈپلومہ ان بزنس ایڈمنسٹریشن کے سالانہ امتحان 2019ء میں نمایاں پوزیشن حاصل کرنے والے طلبا میں سرٹیفکیٹ تقسیم کئے گئے ۔ چیئرمین خیبرپختونخوا بورڈ آف ٹیکنیکل ایجوکیشن نے والدین، طلبہ اور اساتذہ کو شاندار کارکردگی پر مبارکباد پیش کی اور اس عزم کا اظہار کیا کہ یہ سلسلہ آگے بھی جاری رہے گا ۔