اشنا شاہ کا موسیقی کے شعبے میں صرف آئمہ بیگ اور قرۃ العین بلوچ ہی بہترین گلوکارائیں کہنے پر حدیقہ کیانی کا اشنا شاہ کو کرارا جواب

اداکارہ اشنا شاہ نے ٹوئٹر پر ملک میں خواتین گلوکاروں اور موسیقاروں کی کمی کا اظہار کرتے ہوئے کہا کہ موسیقی کے شعبے میں خواتین کی کمی ہے۔

باغی ٹی وی : سماجی رابطے کی ویب سئاٹ ٹویٹر پر اشنا شاہ نے اپنے ٹوئٹ میں لکھا کہ موسیقی کے شعبے میں صرف آئمہ بیگ اور قرۃ العین بلوچ ہی بہترین خواتین گلوکارائیں ہیں-

اداکارہ کی اس ٹویٹ کے بعد کئی مداحوں نے کمنٹس کئے لکھا کہ مُلک میں عابدہ پروین اور حدیقہ کیانی سمیت درجنوں خواتین گلوکارائیں موجود ہیں۔متعدد مداحوں نے کہا کہ وہ حدیقہ کیانی کو کیسے بھول گئیں جن کی آواز میں ان کے ڈراموں میں گانے بھی شامل ہیں۔

اشنا شاہ کی ٹویٹ پر گلوکارہ حدیقہ کیانی نے بھی ردعمل دیتے ہوئے انسٹاگرام سٹوری پر ملک کی خواتین گلوکاراؤں کی40 کے قریب خواتین کے نام کی طویل فہرست شئیر کردی۔

حدیقہ کیانی کی جانب سے جاری کردہ فہرست میں عابدہ پروین،فریدہ خانم، نازیہ حسن، گل پانڑا، مومنہ مستحسن، روشن آرا بیگم، مسرت نذیر، صنم ماروی، میشا شفیع، زیب بنگش، زوئی وکاجی، ریچل وکاجی، سارہ حیدر، نتاشا بیگ، کومل رضوی، فریحہ پرویز، حمیرا ارشد، مائی ڈھائی، حمیرا چنا،ریشم ،میڈم نورجہان اور شبنم مجید سمیت دیگر گلوکاراؤں کے نام شامل تھے۔

حدیقہ کیانی کی جانب سے جاری کردہ فہرست میں زیادہ تر قومی سطح پر گلوکاری کرنے والی یا شہرت حاصل کرنے والی گلوکاراؤں کے نام شامل تھے، دیگر زبانوں میں گلوکاری کرنے والی گلوکاراؤں کو شامل نہیں کیا گیا۔

حدیقہ کیانی نے فہرست جاری کرتے ہوئے ایک اور سٹوری شئیر کی گلوکاری نے لکھا کہ خواتین کی خدمات کو نظر انداز نہیں کیا جا سکتا۔

حدیقہ کیانی نے اپنی پسندیدہ گلوکاراؤں کی فہرست بھی شیئر کی، جس میں انہوں نے ٹینا ثانی، نیرہ نور، مہناز، ریشماں، ناہید اختر، اقبال بانو، تصور خانم، شازیہ خشک، سائرہ نسیم، زاہدہ پروین اور منی بیگم کے نام شامل کیے۔

Everybody say Aameen. pic.twitter.com/PZ5JgPjGeV

— Ushna Shah (@ushnashah) June 7, 2020

حدیقہ کیانی کی جانب سے فہرست جاری کرنے کے بعد اشنا شاہ نے گلوکارہ سے معذرت کرتے ہوئے کہا کہ نہیں ا اپنے ڈراموں کے او ایس ٹی بہت پسند ہیں علاوہ ازیں اداکارہ نےاپنے ٹوئٹ کو بھی ڈیلیٹ کردیا۔ اداکارہ نے لکھا کہ میں رات گئے دیر تک ٹویٹر استعمال کرنا بند کر دوں اداکارہ نے مداحوں اور صارفین سے اس بات پر آمین بولنے کی درخواست کی-

فواد خان 2020 کے 100خوبصورت چہروں کے مقابلے کی فہرست میں شامل

پاکستانی فنکار بھی امریکی سیاہ فاموں کی حمایت میں بول پڑے

ایک بچی کے والد کو اس طرح تنقید کا نشانہ بنانا سابقہ بیوی کی حمایت نہیں ہے اشنا شاہ