+9251
عبدالحفیظ کاردار اور یونس خان ووٹنگ کےعمل کے بعد پی سی بی ہال آف فیم میں شامل
پاکستان کرکٹ ٹیم کے پہلے کپتان عبدالحفیظ کاردار اور پاکستان کے سب سے کامیاب ٹیسٹ بیٹر یونس خان کو پی سی بی ہال آف فیم شامل کرلیا گیا ہے۔ عبدالحفیظ کاردار اور یونس خان ووٹنگ کےعمل کے بعد پی سی بی ہال آف فیم کا حصہ بنے ہیں۔ فضل محمود، عبدالقادر، حنیف محمد، ظہیرعباس، جاوید میانداد، وسیم اکرم اور وقاریونس بھی پی سی بی ہال آف فیم میں شامل ہوچکے ہیں۔ قادر خواجہ کے مطابق؛ اس حوالے سے پاکستان کرکٹ بورڈ کے چیئرمین رمیز راجا کا کہنا ہے کہ ہال آف فیم کا مقصد اپنے رول ماڈلز کی کامیابیوں کو سراہنا ہے۔ رمیز راجا نے کہا کہ عبدالحفیظ کاردار نے پاکستان کو کرکٹ کا خواب دکھایا تھا اور یونس خان نے ہمیشہ سخت محنت کو اپنا شعار بنایا، یونس خان نے تینوں طرز کی کرکٹ میں پاکستان کے لیے لاجواب کامیابیاں سمیٹیں۔
مزیہ یہ بھی پڑھیں؛ ملک کے 11 حلقوں میں ضمنی انتخاب کا دنگل آج سجے گا:کانٹے دارمقابلوں کی توقع
رانا ثناءاللہ کو عابد شیر علی کی انتخابی مہم چلانے پر آج ہی طلب کرلیا گیا
برطانوی وزیراعظم لزٹرس کو مشکلات کا سامنا، وزیر خزانہ کا سخت معاشی فیصلوں کا عندیہ
اس حوالے سے عبدالحفیظ کاردار کے صاحبزادے شاہد کاردار نے کہا کہ ان کے والد نے اپنی شاندار قائدانہ صلاحیتوں کی بدولت دنیائے کرکٹ میں پاکستان کی الگ شناخت بنائی، کاردار فیملی کو عبدالحفیظ کاردارکی پی سی بی ہال آف فیم میں شمولیت پر فخر ہے۔ یونس خان نے کہا کہ انہیں پی سی بی کی جانب سے ہال آف فیم میں شمولیت پر فخر ہے، عظیم کھلاڑیوں کی اس فہرست میں آنا کسی اعزاز سے کم نہیں۔ سابق کپتان نے کہا کہ کامیابی کبھی بھی کسی ایک فرد کی بدولت نہیں ملتی، اس اعزاز پر اہل خانہ، ساتھی کھلاڑیوں، کپتانوں اور اسپورٹ اسٹاف کا مشکور ہوں۔
