لاہور ہائیکورٹ نے جماعۃ الدعوۃ کے سربراہ حافظ محمد سعید اور دیگر رہنماؤں کے خلاف دہشت گردی کے مقدمات درج کرنے پر صوبائی حکومت اور سی ٹی ڈی سے جواب طلب کر لیا
دہشت گردی کے مقدمات، حافظ محمد سعید نے اہم قدم اٹھا لیا
باغی ٹی وی کی رپورٹ کے مطابق حافظ محمد سعید کی درخواست پر لاہور ہائیکورٹ میں سماعت ہوئی، لاہور ہائیکورٹ کے ججز جسٹس شہرام سرور اور مسٹر جسٹس وحید خان پر مشتمل بنچ نے حافظ محمد سعید کی درخواست پر سماعت کی ۔ عدالت نے حافظ محمد سعید و دیگر مرکزی رہنماوں کی درخواست پر پنجاب کی صوبائی حکومت اور سی ٹی ڈی کو نوٹس جاری کرتے ہوئے دو ہفتوں میں جواب طلب کر لیا.
حافظ محمد سعید کی جانب سے ان کے وکیل اے کے ڈوگر ایڈوکیٹ عدالت میں پیش ہوئے، وفاقی حکومت کے وکیل نے عدالت میں کہا کہ درخواست ناقابل سماعت ہے جس سے عدالت نے اتفاق نہیں کیا اور حکومت سے جواب طلب کر لیا.
لاہور ہائیکورٹ نے حافظ محمد سعید کی درخواست پر کیس کی سماعت 30 جولائی تک ملتوی کر دی.
کالعدم جماعۃ الدعوۃ کے سربراہ حافظ محمد سعید کے خلاف دہشت گردی ایکٹ کے تحت مقدمہ درج
واضح رہے کہ حافظ محمد سعید و دیگر رہنماوں کے خلاف سی ٹی ڈی کی جانب سے دہشت گردی کے مقدمات درج ہونے کے بعد جماعۃ الدعوۃ نے عدالت سے رجوع کر لیا، اس ضمن میں لاہور ہائیکورٹ میں درخواست دائر کی گئی ہے .
جماعۃ الدعوۃ کے مرکزی رہنما حافظ عبدالرحمان مکی کو کیوں گرفتار کیا گیا؟
جماعۃ الدعوۃ کے سربراہ حافظ محمد سعید، حافظ عبدالرحمان مکی ، امیر حمزہ اور محمد یحییٰ عزیز سمیت سات درخواست گزاروں نے لاہور ہائیکورٹ میں درخواست دائر کرتے ہوئے وفاقی حکومت، پنجاب حکومت اور ریجنل ہیڈ کوارٹر محکمہ انسداد دہشت گرد (سی ٹی ڈی) کو فریق بنایا۔
پنجاب میں کالعدم تنظیموں کے خلاف کاروائی تیز کرنے کا حکم
لاہور ہائیکورٹ میں جماعۃ الدعوۃ کے رہنماوں کی جانب سے دائر درخواست میں کہا گیا ہے کہ حافظ محمد سعید اور دیگر رہنماوں پر درج مقدمات ختم کئے جائیں، حافظ محمد سعید کا لشکر طیبہ کے ساتھ کوئی تعلق نہیں ہے، ان کا القاعدہ یا ایسی کسی تنظیم سے بھی کوئی تعلق نہیں ہے، عدالت میں دائردرخواست میں مزید کہا گیا ہے کہ وہ ریاست کے خلاف اقدامات میں ہرگز ملوث نہیں ہیں، انڈین لابی کا حافظ محمد سعید پر ممبئی حملوں میں ملوث ہونے بیان حقائق کے منافی ہے .
کالعدم تنظیموں کے خلاف پنجاب حکومت نے کاروائی کی تفصیلات بتا دیں
کالعدم تنظیموں کے مزید مدارس اور سکول حکومتی تحویل میں
واضح رہے کہ انسداد دہشت گردی کے ادارے کاونٹر ٹیرارزم ڈیپارٹمنٹ سی ٹی ڈی نے کالعدم تنظیموں کے رہنماوں کے خلاف مقدمات درج کر لئے ہیں. دہشتگردوں کی مالی معاونت کےالزام پرجماعۃ الدعوۃ کے سربراہ حافظ محمد سعید کیخلاف بھی دہشتگردی ایکٹ کےتحت مقدمہ درج کیا گیا تھا ،
کالعدم تنظیموں سے روابط، گیارہ مزید تنظیموں پر حکومت نے پابندی لگا دی
Leave a reply
