کراچی: تحریک انصاف (پی ٹی آئی) میں فارورڈ بلاک بنانے والے یونین کونسل (یو سی) چیئرمین اسد امان نے کہا ہے کہ پیپلز پارٹی کی کل بھی مخالفت کی تھی آئندہ بھی کریں گے-
باغی ٹی وی:نجی خبر رساں ادارے سے گفتگو میں پی ٹی آئی کے 32 منحرف اراکین کے پارلیمانی لیڈر اسدامان نے کے ایم سی اپوزیشن میں بیٹھنے کا اعلان کر تے ہوئے کہا کہ ہم 32 اراکین پر کسی قسم کا کوئی دباؤ نہیں، ہم اپنی مرضی سے ایوان نہیں گئےمیئر الیکشن میں حافظ نعیم الرحمان کو ووٹ کیوں نہیں دیا یہ شوکاز میں بتاؤں گا۔
پی ٹی آئی فارورڈ بلاک کے یو سی چیئرمین نے مزید کہا کہ ایوان میں جا کر ہم بھرپور اپوزیشن کریں گے، ہم حافظ نعیم کو نہیں پارٹی کو جوابدہ ہیں پیپلز پارٹی کی کل بھی مخالفت کی تھی آئندہ بھی کریں گے-
کوٹےسےکئی گنا زائد الکوحل کی فروخت کی اجازت،ماہانہ رقم فرح گوگی کوپہنچائی جاتی
انہوں نے اور ایک بیان میں کہا کہ پاکستان تحریک انصاف میں تھا ہوں اور رہوں گا پی ٹی آئی میں کرائے دار نہیں مالک مکان ہوں پی ٹی آئی سندھ کےشوکاز نوٹس کا تفصیلی جواب دوں گا ہم کے ایم سی میں اپوزیشن بینچز پربیٹھیں گے مجھے شوکاز نوٹس بھی فیس بک اور واٹس سےملا ہے۔
انہوں نے کہا کہ ہم بکنےوالےنہیں ہیں،9 مئی کےبعدتمام اراکین پر دباؤ ہے 3دن میں شوکاز کا جواب دوں گا پارٹی فیصلےکاپابند ہوں، حافظ نعیم کو ووٹ نہ دینے کی بہت وجوہات تھیں کچھ نادان لوگ سمجھتے ہیں ہم بک گئےہیں ایسی بات نہیں ہے۔
