حافظ آباد(خبرنگارشمائلہ) اینٹی کرپشن اسٹیبلشمنٹ کا ریڈ، افسر رشوت لیتے گرفتار
حافظ آباد میں اینٹی کرپشن اسٹیبلشمنٹ پنجاب کی کارروائی کے دوران اسسٹنٹ ڈائریکٹر لیبر ویلفیئر (لیبر ڈپارٹمنٹ) کو رشوت لیتے ہوئے رنگے ہاتھوں گرفتار کر لیا گیا۔ مذکورہ افسر بھٹہ خشت کے منشی سے بھاری رشوت وصول کر رہا تھا۔
ذرائع کے مطابق، ضلع حافظ آباد میں کرپشن عروج پر ہے، جہاں مزدوروں کے حقوق غصب کیے جا رہے ہیں۔ متعلقہ محکموں کے افسران و ملازمین سرکاری تنخواہیں لینے کے باوجود بھاری رشوت کے عوض فیکٹری، کارخانہ اور دکان مالکان کو غیر قانونی فائدے پہنچانے میں مصروف ہیں۔
گرفتار افسر کے خلاف مزید قانونی کارروائی جاری ہے، جبکہ اینٹی کرپشن حکام نے کرپٹ عناصر کے خلاف مزید کارروائیوں کا عندیہ دیا ہے۔
