حج کے نام پر فراڈ کرنے والے کی سزا معاف

حج کے نام پر لوگوں سے پیسے لوٹنےاوردھوکادہی سے متعلق کیس کی سپریم کورٹ میں سماعت ہوئی

باغی ٹی وی کی رپورٹ کے مطابق چیف جسٹس کی سربراہی میں تین رکنی بنچ نے کیس کی سماعت کی ، دوران سماعت چیف جسٹس نے ریمارکیس دئیے کہ لوگوں کو لوٹنا اچھی بات تو نہیں ہے،ملزم نے2007 میں لوگوں سے پیسے لیےاورحج پرنہیں بھیجا،اس کیس کو 12 سال گزر گئے ہیں،سپریم کورٹ نےملزم کی 5سال قید کی سزاختم کردی اور50لاکھ جرمانےکوکم کرکے50ہزارکردیا ،ملزم پہلےہی 2سال قید بھگت چکا ہےاورمتاثرین کو رقم بھی واپس کر چکا ہے،عدالت نے ملزم فیض اللہ کو 3 ماہ کے اندر 50 ہزارروپے جرمانے کی رقم ادا کرنے کاحکم دیتے ہوئے کہا کہ اگر جرمانہ وقت پر ادا نہ ہوا تو تین ماہ قید کاٹنا ہو گی