معروف فنکار طارق عزیز کی اہلیہ کا کہنا ہے کہ جب سے میرے شوہر کا انتقال ہوا ہے حکومت کی طرف سے مجھ سے کبھی بھی رابطہ نہیں کیا گیا، انہوں نے کہا کہ میرے شوہر اپنی آنکھیں تک عطیہ کرنا چاہتے تھے لیکن ایسا ہو نہ سکا ، مجھے انکی اس خواہش کے بارے میںعلم نہیں تھا. انہوں نے کہیں یہ نوٹ لکھ رکھا تھا جو مجھے ان کے انتقال کے بعد ملا . انہوں نے کہا کہ میرے شوہر بہت زیادہ حساس تھے وہ لوگوں کی مدد کرتے تھے ، کسی بھی ضرورتمند کو خالی ہاتھ نہیں جانے دیتے تھے . انہوں نے ہمیشہ ملک کی فکر کی اور یہاں کے لوگوں کی فکر کی .
”طارق عزیز کی اہلیہ حاجرہ کا مزید کہنا تھا کہ اولاد نہ ہو تو شوہر دوسری شادی کے بارے میں سوچتا ہے لیکن میرے شوہر نے ایسا کبھی بھی نہیں سوچا تھا” اور نہ ہی مجھے کبھی اس چیز کا طعنہ دیا. وہ اسلامی تعلیمات پر کاربند رہے تمام عمر ، بچہ گود لیکر پالنے کے حوالے سے ان کے کچھ تحفظات تھے لہذا انہوں نے ایسا نہ کیا. انہوں نے اپنی زمین جائیداد حکومت کو دیدی تھی . وہ ایک فرشتہ صفت انسان تھے. میں خوش نصیب ہوں کہ میری شادی ان کے ساتھ ہوئی. خوشی ہے کہ انہوں نے ایک بھرپور زندگی بسر کی .