ریکوڈک کیس ،حکومت پاکستان 9 بلین ڈالرز کہاں سے ادا کرے گی؟ سپریم کورٹ
باغی ٹی وی کی رپورٹ کے مطابق سپریم کورٹ میں ریکوڈک کیس کی سماعت ہوئی
ایڈیشنل اٹارنی جنرل عامر رحمان عدالت میں پیش ہوئے، ایڈیشنل اٹارنی جنرل نے کہا کہ ریکوڈک کیس میں اب تک کے معاہدوں اور معاملات کی تفصیلات پیش کروں گا،حکومت بلوچستان نے 1993 میں چاغی ہل جوائنٹ وینچر معاہدہ کیا،2000 میں ٹیتھیان کاپر کمپنی نے 240 ملین ڈالر کی سرمایہ کاری کی، سونے کی کان کنی کے معاہدے کیخلاف 2006 میں بلوچستان ہائیکورٹ میں درخواست آئی جو خارج ہوئی،سپریم کورٹ نے 2013 میں چاغی ہل جوائنٹ وینچر کو غیر قانونی قرار دیا، ٹیتھیان کاپر کمپنی نے سپریم کورٹ کے فیصلے کی روشنی میں عالمی عدالتوں سے رجوع کیا،عالمی عدالتوں نے پاکستان پر جرمانہ عائد کیا جو 9 بلین ڈالرز سے زیادہ کا ہے،ریکوڈک کے مجوزہ معاہدے کے تحت حکومت پاکستان کو 25 فیصد، بیرک گولڈ کمپنی کو 50 فیصد شئیر ملے گا،
جسٹس جمال مندو خیل نے ریمارکس دیتے ہوئے کہا کہ حکومت بلوچستان کو ریکوڈک معاہدے سے کیا شئیر ملے گا؟ بیرک گولڈ کمپنی کو 50 فیصد شئیر کیوں مل رہا ہے؟ ریکوڈک اصل میں ملکیت کس کی ہے؟ ایڈیشنل اٹارنی جنرل نے کہا کہ حکومت بلوچستان کو 25 فیصد شئیر مل رہا ہے جبکہ ان کی ادائیگی وفاقی حکومت کر رہی ہے،ریکوڈک معاہدے سے 104 بلین ڈالرز کا منافع آئے گا،وفاق اور حکومت بلوچستان کو ریکوڈک معاہدے سے 62 فیصد منافع ملے گا،ٹیتھیان کاپر کمپنی کو اتنی بڑی سرمایہ کاری کیلئے ٹھوس یقین دہانی چاہیے،اگر عدالت اجازت نہیں دیتی تو پاکستان کو 9 بلین ڈالرز ادا کرنا ہوں گے، جسٹس اعجازالاحسن نے ریمارکس دیتے ہوئے کہا کہ حکومت پاکستان 9 بلین ڈالرز کہاں سے ادا کرے گی؟ ایڈیشنل اٹارنی جنرل نے کہا کہ پہلے ہی پاکستان پی آئی اے کیس میں روزویلٹ ہوٹل بچا رہا ہے،اگر 9 بلین ڈالرز کی ادائیگی کرنا پڑی تو پاکستان میں کوئی بیرون ملک سے سرمایہ کاری نہیں ہو سکے گی،
تمباکو پر ٹیکس عائد کر کے نئی حکومت بجٹ خسارے پر قابو پا سکتی ہے،ماہرین
بجٹ میں،کم فیس والے نجی سکولوں کے لیے الگ سے رقم مختص کی جائے، ملک ابرار حسین
سابق چیئرمین FBR شبر زیدی نے کہا ہے کہ پاکستان دیوالیہ ہو گیا ہے
دیوالیہ پن سے بچاؤ کے لئے فلپائن ایئر لائن امریکی عدالت پہنچ گئی
پاکستان کو 5.84 ارب ڈالرز کاجرمانہ،عالمی ادارے کا اعلامیہ،باغی ٹی وی کی خبر کی تصدیق ہوگئی
افتخار چوہدری پاکستان کو لے ڈوبے،پاکستان کو 4.7 ارب ڈالرز کا جرمانہ کروا دیا
