حکومت کا کام کاروبارکرنا نہیں بلکہ نجی شعبے کو سازگار ماحول کی فراہمی ہے، وزیراعظم

اسلام آباد: وزیراعظم شہباز شریف کا کہنا ہے کہ حکومت کا کام کاروبارکرنا نہیں بلکہ نجی شعبے کو سازگار ماحول کی فراہمی ہے، ماضی کی کوتاہیوں سےسبق سیکھتے ہوئےہمیں آگے بڑھناہے مہنگے تیل سے بجلی کی پیداوارکو بتدریج ختم کرنا ہوگا۔

باغی ٹی وی: وزیراعظم شہباز شریف نے اسلام آباد میں ٹیکس ایکسی لینس ایوارڈز کی تقریب سے خطاب میں کہا کہ ٹیکس دہندگان اوربرآمد کنندگان کومبارکباد پیش کرتاہوں معاشی سیکٹر اور حکومت ایک ہی گاڑی کے دو پہیے ہیں، مضبوط معیشت والوں کی آواز ہمیشہ مضبوط ہوتی ہے، فیصلہ سازی کے عمل کو تیز کرنا ہوگی، جبکہ نجی شعبے کو حوصلہ افزائی کی ضرورت ہے۔

وزیر اعظم شہباز شریف نے کہا کہ شکر ہے آج رمضان ہے ورنہ قرض کے پیسوں کی چائے آپ کو پلاتے، ہم قرضے لے کر پروجیٹ کر رہے ہیں، قرضے لے کر تنخواہیں ادا کر رہے ہیں، آئی ایم ایف پروگرام کے ساتھ گروتھ بھی کرنی ہے، آئی ایم ایف کا پروگرام استحکام کیلئے ہےآئی ایم ایف کے ساتھ ایک اور پروگرام کرنا ہے اس کے بغیر گزارا نہیں ہےہمیں لوگوں کو نوکریاں دینی ہیں، مہنگائی کا تدارک کرنا ہے-

آئی جی پنجاب کو ایوارڈ ملنے پر یاسمین راشد نے جیل سے خط لکھ …

وزیراعظم شہبازشریف نے کہاکہ آئی ایم ایف کےساتھ سٹاف لیول معاہدہ ہو گیا ہے اگلے ماہ قسط مل جائے گی، آئی ایم ایف کے ساتھ ایک اور پروگرام کرنا ہے اس کے ساتھ گروتھ بھی کرنی ہے، 16ماہ کی حکومت میں ملک کو ڈیفالٹ ہونے سے بچایا،آئی ایم ایف کا پروگرام استحکام کیلئے ہے،ایئرپورٹس کو آؤٹ سورس کررہے ہیں۔

وزیر اعظم نے ایف بی آر سے متعلق کہا کہ ایف بی آرکوڈیجیٹائزکیاجائے گا، 2700 ارب روپےکے محصولات سے متعلق مقدمات زیرالتوا ہیں، محصولات کاہدف 9 کھرب روپے ہے، منفرد ٹیکس پالیسی لانا ہوگی، قرضوں کے پہاڑ کو ختم کرنا ہوگا، صنعت،زراعت اور آئی ٹی کو فروغ دینا ہوگا، نوجوان ہماراقیمتی اثاثہ ہیں، انہیں ہنرمند بنانا ہوگا، قرضے لے کرتنخواہیں دی جا رہی ہیں۔

بشریٰ بی بی کیلئے اصل سکیورٹی تھریٹ بنی گالہ میں ہے،وکیل سلمان صفدر

فلسطین سے متعلق وزیر اعظم نے اظہار خیال کرتے ہوئے کہا کہ کل سیکورٹی کونسل میں اس بربریت کیخلاف قرارداد منظورہوئی، اقوام متحدہ میں غزہ جنگ بندی کی قرارداد خوش آئندہے غزہ جنگ بندی کی قرارداد پرعمل درآمد انتہائی ضروری ہے،غزہ میں اسرائیلی مظالم پرعالم السلام اشکبارہے ، وزیر اعظم نے ایک بار پھر فلسطین کی حمایت جاری رکھنے کا اعلان کرتے ہوئے کہا کہ آزاد فلسطینی ریاست تک پاکستان حمایت جاری رکھے گا۔

مریم نواز کا پنجاب ایگریکلچر فوڈ اینڈ ڈرگ اتھارٹی کمپلکس کی تکمیل میں تاخیر …