حکومت کو سینیٹ سے3 اہم بل منظور کرانے میں ناکامی کا سامنا

اسلام آباد: وزیرمملکت وزیر علی محمد خان سینیٹ سے 3 اہم بل منظور کرانے میں ناکام رہے-

باغی ٹی وی : حکومتی وزیر علی محمد خان نے منگل کے روز سیکیورٹی اینڈ ایکسچینج کمیشن آف پاکستان ترمیمی، تحفظ والدین اور پاک یونیورسٹی برائے انجینئرنگ اینڈ ایمرجنگ ٹیکنالوجیز کے قیام کے بل ایوان میں منظوری کیلیے پیش کئے اور چئیرمین سینیٹ سے استدعا کی کہ تینوں بل کمیٹی کو منتقل کئے بغیر منظور کئے جائیں تاہم اپوزیشن رکن سینیٹر شیری رحمن نے اس موقف کی مخالفت کردی جس کی قائد ایوان ڈاکٹر شہزاد وسیم نے بھی حمایت کردی، جس پر چیئرمین نے تینوں بل متعلقہ کمیٹیوں کے سپرد کردیئے۔

حکومت لانگ مارچ سے گھبرا کر پیپلز پارٹی کے خلاف پروپیگنڈہ کر رہی ہے : بلاول بھٹو

ذرائع کے مطابق منگل کے روز ایوان بالا کے اجلاس میں وقفہ سوالات کے دوران بھارت کی جانب سے سندھ طاس معاہدے کی خلاف ورزی بارے سوال پر وزارت آبی وسائل نے ایوان کو تحریری جواب میں بتایا کہ بھارت مغربی دریاوں پر دریا کے بھاؤ پر پن بجلی گھروں کے کئی منصوبوں پر کام کر رہا ہے، ان بجلی گھروں کےڈیزائن کی اکثریت سندھ طاس معاہدے کی وضح کردہ ڈیزائن کی خلاف ورزی ہے دریاوں پر پانی کے اوپر بھارتی منصوبوں سےباخبرہیں،معاملہ انڈس کمیشن کے سطح پر دو طرفہ حل کے لئے بھارت کے ساتھ اٹھایا جا رہا ہے، بھارت کو سندھ طاس معاہدے کے تحت مغربی دریاوں پر محدود حد تک پانی ذخیرہ کرنے کے لئے ہائیڈرو گھر بنانے کی اجازت ہے۔

پنجاب میں بلدیاتی انتخابات کب ہوںگے:حکومت نے پھرٹرک کی بتی کے پیچھے لگا دیا

باخبر ذرائع کے مطابق اپوزیشن سینیٹر سعدیہ عباسی نے کہا کہ آج معلوم ہوا کہ مونس الٰہی آبی وسائل کے وزیر ہیں، ان کو ایوان میں آنا چاہئے حکومتی سینیٹر اعجاز چوہدری نے کہا کہ 50 برس قبل کالا باغ ڈیم کی فیزیلبٹی رپورٹ تیار ہوئی تھی اب تو اس پر ایوان میں بات کرنا گناہ سمجھا جاتا ہے لیکن بتایا جائے کہ اس کے متبادل کیا بنایا گیا، ماضی میں تو پاکستان کے تین دریا بیچے گئے کسی کو احساس نہیں۔

کیاسعودی عرب کے قومی پرچم سے کلمہ طیبہ ختم کیا جارہا ہے؟اگرایسے ہی ہے تو پھرکیوں…

وزیر مملکت علی محمد خان نے کہا کہ بھارت نے جس دور میں بگلیہار ڈیم بنایا وہ میاں نواز شریف کا دور تھا، سعدیہ عباسی نے جواب دیا کہ حکومت سے جو سوال پوچھا گیا ہے اس کا جواب دیا جائے یہاں ذاتیات و گالی گلوچ نہ کی جائے۔علی محمد خان نے کہا جو سوال پوچھا گیا تھا اس کا جواب دیا ہے، کسی کو گالی دی نہ کسی کو نشانہ بنایا۔

لوگوں کی دبئی میں کمپنیاں،بہت جلد سب کچھ سامنے لانے والے ہیں : شوکت ترین

اجلاس کے دوران وزارت توانائی نے ایوان کو آگاہ کیا کہ گزشتہ تین سال میں بجلی کی تقسیم کار کمپنیوں کو 16 ہزار 149 درخواستیں موصول ہوئیں، جن میں سے حکومت نے 12 ہزار 918 لائسنس نیٹ میٹرنگ کے جاری کئے اجلاس کے دوران وفاقی وزیر شیریں مزاری نے لاپتہ افراد کے بل کا معاملہ اٹھا دیا،انہوں نے کہا کہ لاپتہ افراد کے حوالے سے بل قومی اسمبلی سے منظور ہوچکا ، سنیٹ میں پیش کیوں نہیں ہو رہا۔

پی ٹی آئی کے 34 ایم این ایز ن لیگ کے ساتھ ہیں تو حکومت کیوں نہیں گراتے: بلاول