حکومت مہنگائی کا الزام آئی ایم ایف پر لگا کر اپنی نااہلی پر پردہ نہیں ڈال سکتی بلاول بھٹو

پیپلز پارٹی کے چئیرمین بلاول بھٹو زرداری کا کہنا ہے کہ پی ٹی آئی حکومت مہنگائی کا الزام آئی ایم ایف پر لگاکر اپنی نااہلی پر پردہ نہیں ڈال سکتی-

باغی ٹی وی : بلاول بھٹو نے کہا کہ حکومت نے سخت شرائط پر آئی ایم ایف سے معاہدہ کرکے قوم کی خوداری کو داؤ پر لگادیا –

چیئرمین پیپلزپارٹی نے کہا کہ مافیا نے صرف 3 ماہ میں مرغی کے گوشت کی قیمتیں 110 فیصد تک بڑھائیں-

انہوں نے کہا کہ مرغی کے گوشت کی قیمتیں بڑھا کر پی ٹی آئی اشرافیہ نے اربوں روپے کمالیے، اب افسوسناک طور پر قیمتیں کم کر کے اس کا کریڈٹ بھی وہ خود لے گا-

چیئرمین پیپلزپارٹی نے کہا کہ اب افسوسناک طور پر قیمتیں کم کر کے اس کا کریڈٹ بھی لے گا ،عمران خان پی ٹی آئی اراکین اسمبلی کو اربوں روپوں سے نوازنے کا منصوبہ بنارہے ہیں-