سابق وزیر خزانہ اور رہنماء تحریک انصاف شوکت ترین نے کہا کہ ہمارے دور میں کرنٹ اکاونٹ خسارہ 3 اعشاریہ 8 فیصد تھا اور ہم ٹیکس وصولی 8 ٹریلین پر لے کر جارہے تھے.
شوکت ترین نے دعوی کیا ہے کہ: ہم نے 1400 ارب روپے کا ریونیو بڑھایا جبکہ یہ لوگ (موجودہ حکومت) عوام کو بے وقوف بنانے کی کوشش کررہے ہیں۔
انہوں نے کہا: ان کا دعوی غلط ہے کہ ہم نے 20ارب ڈالر قرض لیا تھا جبکہ حقیقت یہ ہے کہ ہم نے ساڑھے 18 ارب ڈالر کے قرض لیے.
ترین کے مطابق: ان کی اپنی جاری کردہ رپورٹ میں ہماری کارکردگی کا ذکر ہے، ان کی اپنی رپورٹ کے مطابق17 سال میں زیادہ ترقی پی ٹی آئی دور میں ہوئی مہنگائی34سے35فیصد تک چلی گئی ہے یہ کس کو بےوقوف بنا رہے ہیں۔
شوکت ترین کا مزید کہنا تھا کہ موجودہ حکومت کو کچھ سمجھ نہیں انہوں نے معیشت کا بیڑا غرق کر دیا ہے۔
