حلف اٹھانے کے بعد یہ کام نہیں کروں گا ، چودھری نثار نے واضح کردیا
باغی ٹی وی :ن لیگ کے رہنما چودھری نثار احمد کا کہنا ہے کہ میر ے حلف اٹھانےسےقطعی طورپرمیرےموقف یاسوچ میں تبدیلی نہیں آئےگی.
چوہدری نثار کا کہنا تھا کہ اسمبلی سےکسی قسم کی مراعات نہیں لوں گا، چودھری نثار نے کل بطوررکن پنجاب اسمبلی حلف اٹھانےکا اعلان کیا ہے. ان کا کہنا تھا کہ تنخواہ،ٹی اےڈی اےسمیت مراعات نہیں لوں گا،حلف اٹھانےکابنیادی مقصدحلقےمیں سیاسی حالات اورمحرکات کو کنٹرول کرناہے،
الیکشن کابائیکاٹ کرنااورمیدان کھلاچھوڑناسیاسی غلطی ہوگی،
ادھر یہ بھی کہا جا رہاہے کہ پنجاب حکومت نے تکنیکی بنیاد پر چوہدری نثار کا حلف روکنے کی تیاری کر لی۔ذرائع کے مطابق پنجاب حکومت کا موقف ہے کہ ارکان اسمبلی کے حلف اٹھانے کی مدت کے بارے آرڈیننس کابینہ سے منظور ہوچکا ہے، پنجاب حکومت کی جانب سے جواز بنا کر حلف روکنے کی کوشش کی جائے گی۔
وزیر قانون فروغ نسیم کے قریبی ذرائع کا کہنا ہے کہ جب تک آرڈیننس کا باضابطہ نفا ذ نہیں ہوجاتا، حلف اٹھانے میں کوئی ممانعت نہیں، قومی اسمبلی اور سینیٹ کے اجلاس کے دوران آرڈیننس نہیں آسکتا، قانونی اور آئینی جواز بنا کر پنجاب حکومت مزید وقت لینا چاہتی ہے۔
ذرائع کے مطابق موجودہ سیاسی صورتحال میں عثمان بزدار اور جہانگیر ترین کی سیاست کو حلف سے جوڑنے کی کوشش کی جا رہی ہے۔
چوہدری نثار حلف سے قبل تمام سیاسی پہلووں کو پبلک کر سکتے ہیں اور وہ اپنے حلقے کی جیتی ہوئی نشست کو ضائع نہیں کرنا چاہتے حکومت آرڈیننس کے زریعے اسحاق ڈار کی جگہ شوکت ترین کو سینیٹر منتخب کرانا چاہتی ہے۔
