قائد حزب اختلاف سندھ اسمبلی حلیم عادل شیخ کی وفاقی وزیر برائے پلاننگ اینڈ ڈویلپمنٹ اسد عمر سے اہم ملاقات ہوئی۔حلیم عادل شیخ کی ملاقات اسلام آباد میں اسد عمر کی آفیس میں ہوئی۔
حلیم عادل شیخ نے سندھ میں بدامنی پر مبنی تفصیل رپورٹ اسد عمر کو پیش کر دی۔ حلیم عادل شیخ نے اسد عمر کے سندھ کے دورے پر ترقیاتی کام کرانے پر شکریہ ادا کیا۔
حلیم عادل شیخ نے سکھر حیدرآباد موٹر وے کی ایکنک سے منظوری پر مبارکباد بھی پیش کی۔
سندھ میں بدامنی عروج پر عوام کی نظریں اب عمران خان میں ہیں سندھ میں امن امان کی خراب صورتحال کی رپورٹ وزیر اعظم کو بھی بھجوائی گئی ہے۔
سندھ کی عوام کو پیپلزپارٹی نے بنیادی سہولیات سے محروم رکھا ہوا ہے۔ وفاقی حکومت سندھ میں عوام کو سہولیات سے آراستہ کروا رہی ہے۔
