ہمارا مقصد انصاف ہر شہری کی دہلیز تک

لاہور میں ایس ایس پی انویسٹی گیشن کیپٹن(ر) منصور امان نے اپنے دفتر میں نئے تفتیشی افسران سے خطاب کیا.

40 تفتیشی افسران نے آج آپریشن ونگ سے انویسٹی گیشن ونگ میں آمد کی.
ایس ایس پی انویسٹی گیشن نے تفتیشی افسران کو مقدمات کی تفتیش بارے بریفنگ دی، مقدمات کے تناسب سے نئے افسران کو تھانہ جات میں تعینات کیا جا رہا ہے، نئے افسران کے آنے سے انویسٹیگیشن ونگ مضبوط ہوگا، عوام الناس کی خدمت ہمارا اولین فریضہ ہے جسے ہمیں عبادت سمجھ کر ادا کرنا ہے، ہمارا مقصد شہریوں کو ان کی دہلیز پر انصاف مہیا کرنا ہے، ایمانداری اور دیانتداری کے ساتھ اپنے فرائض منصبی سر انجام دئیے جائیں، کرپشن پر زیرو ٹالرنس پالیسی اختیار کی جائے گی، پولیس افسران شہریوں کے ساتھ حسن سلوک اور عزت و احترام کے ساتھ پیش آئیں، اگر کسی افسر کو کوئی بھی مسئلہ درپیش ہو تو میرے دفتر کے دروازے ہر وقت کھلے ہیں، محنتی، ایماندار اور فرض شناص پولیس افسران کی ہر سطح پر حوصلہ افزائی کی جائے گی.