نماز تراویح میں حماس کے اہم رہ نما عارضہ قلب سے وفات پا گئے

غزہ : نماز تراویح میں حماس کے اہم رہ نما عارضہ قلب سے وفات پا گئے،اطلاعات کے مطابق اسلامی تحریک مزاحمت ‘حماس’ کے سیاسی شعبے کے اہم رہ نما احمد الکرد گذشتہ روز حرکت قلب بند ہونے سے وفات پا گئے۔

حماس کے شعبہ تعلقات عامہ کی طرف سے جاری ایک بیان میں کہا گیا ہے کہ احمد الکرد وسطی غزہ کی پٹی کے رہائشی تھے اور انہوں نے فلسطینی کاموں اور حق واپسی مظاہروں کے دوران غیرمعمولی خدمات انجام دی تھیں۔

انہوں نے 43 سال فلسطینی قوم کی خدمت کی۔ وہ نماز تراویح کے دوران اچانک حرکت قلب بند ہونے سے وفات پا گئے۔مرکزاطلاعات فلسطین کے مطابق احمد الکرد کی وفات پر حماس نے گہرے دکھ اور افسوس کا اظہار کیا ہے۔