اوکاڑہ: بااثر افراد کا حاملہ خاتون پر تشدد،بچہ پیٹ میں جاں بحق،پولیس کا رروائی کرنےسے گریزاں

اوکاڑہ: پنجاب کے ضلع اوکاڑہ میں بااثر افراد کے حاملہ خاتون پر وحشیانہ تشدد کے نتیجے میں نومولود پیٹ میں ہی جاں بحق ہوگیا۔

باغی ٹی وی: تفصیلات کے مطابق پنجاب کے شمال مشرق میں واقع ضلع اوکاڑہ کے علاقے رینالہ خورد میں با اثر افراد نے 7 ماہ کی حاملہ خاتون پر وحشیانہ تشدد کیا، جس کے نتیجے میں وہ بے ہوش ہوگئی،خاتون کو تشویش ناک حالت میں اسپتال منتقل کیا گیا تو ڈاکٹرز نے فوری طور پر آپریشن تجویز کیا تاکہ نومولود کی جان بچائی جاسکے مگر ایسا ممکن نہ ہوا کیونکہ تشدد کے باعث نومولود ماں کے پیٹ میں ہی دم توڑ گیا۔

متاثرہ خاندان نے دعویٰ کیا ہے کہ بااثر افراد کے حکم پر آر ایچ سی میں تعینات لیڈی ڈاکٹر نے میڈیکل رپورٹ دینے سے انکار کردیا جب کہ مقامی پولیس تھانہ صدر رینالہ نے بھی کوئی کارروائی نہیں کی،متاثرہ خاتون نے آئی جی پنجاب سے واقعے پر نوٹس لے کر ملزمان کے خلاف قانونی کارروائی کا مطالبہ کیا ہے۔

فخر زمان نے شاہد آفریدی کا قومی ریکارڈ برابر کردیا

دوسری جانب 15 دن میں نشے کے عادی 3 افراد کو پر اسرار طور پر قتل کردیا گیا ہے۔ پولیس ابتک قاتلوں کی تلاش میں ناکام ہے پولیس کے مطابق قتل کیے گئے دو افراد کو گولی ماری گئی جبکہ ایک شخص کو تیز دھار آلے کے وار سے موت کے گھاٹ اتارا گیاتینوں پراسرار قتل اکتوبر میں ہوئے 8 اکتوبر کو شریف آباد میں عرفان نامی شخص کو فائرنگ کرکے قتل کیا گیا۔ پولیس نے مقتول کے بھائی کی مدعیت میں قتل کا مقدمہ درج کیا 20 اکتوبر کو جمیشد کوارٹر میں بھی لاہوتی نامی شخص کو گولی ماری گئی اور دو روز بعد 22 اکتوبر کو جوہر آباد میں روبن کو تیز دھار آلے سے قتل کیا گیا قتل ہونے والے تینوں افراد نشے کے عادی تھے قتل کے تینوں واقعات پراسرار ہیں قتل کی وجہ بھی سامنے نہیں آئی۔

عالمی درجہ حرارت میں اضافہ،2024 زیادہ بدترین سال ثابت ہوگا،تحقیق