فٹنس مسائل سے دوچار فاسٹ بولر حسن علی آسٹریلیا کیخلاف سیریز سے باہر ہو گئے
سری لنکا کے خلاف سیریز سے پہلے کمر درد کا شکار ہونے والے بائیں ہاتھ کے پیسر کو ڈاکٹرز نے مزید تین ہفتے آرام کی ہدایت کی ہے، وہ فیصل آباد میں جاری نیشنل ٹی ٹوئنٹی کپ میں سینٹرل پنجاب کی جانب سے صرف ایک میچ سدرن پنجاب کیخلاف کھیلے ہیں جس میں انہوں نے تین کھلاڑیوں کو آوٹ کیا تھا
حسن علی کا نیشنل کرکٹ اکیڈمی میں پی سی بی میڈیکل سٹاف کی زیر نگرانی ری ہیب پراسس جاری رہے گا تاہم وہ آسٹریلیا کیخلاف ٹی ٹوئنٹی سیریز سے باہر ہو گئے ہیں اور ٹیسٹ میچوں میں بھی فاسٹ بولر کی شمولیت کے امکانات بھی معدوم دکھائی دے رہے ہیں،
زرائع کیمطابق حسن علی کی فٹنس رپورٹ کیلئر نہ ہونے کے پر سلیکٹرز نے ٹی ٹوئنٹی کے مجوزہ کھلاڑیوں کی فہرست سے نکال دیا ہے، تین ہفتوں بعد پیسر کا ایک بار پھر ٹیسٹ لیا جائے گا، اس کی رپورٹس آنے کے بعد حسن علی کے مستقبل کا فیصلہ ہو سکے گا، قومی ٹیم کا اعلان 21 اکتوبر کو ہو رہا ہے جس میں حسن علی کی جگہ کسی نوجوان بالر کا سکواڈ میں شامل کیا جا سکتا ہے،
کپتانی سے برطرفی کے بعد سرفراز کو ماہانہ کتنے پیسے ملیں گے ؟
