پاکستان فلم انڈسٹری کے لیجنڈ ڈائریکٹر آغا حسن عسکری جو کہ بظاہر صحت مند نظر آتے تھے لیکن ان میں کینسر کی تشخیص ہوئی ہے۔چند روز پہلے حسن عسکری کی طبعیت خراب ہوئی تو انہوں نے شوکت خانم ہسپتال سے ٹیسٹ کرانے پر معلوم ہوا کہ وہ پھیپھڑوں کے کینسر میں مبتلا ہیں۔شوکت خانم۔ہسپتال میں ان کے مختلف ٹیسٹ کئے گئے ہیں لیکن ان کے مزید علاج معالجے بارے فیصلہ بورڈ کرے گا۔
یاد رہے کہ ”حسن عسکری کا شمار نہایت کامیاب ڈائریکٹرز میں ہوتا ہے ”جنہوں نے اردو اور پنجابی کی بے شمار سپرہٹ فلمیں بنائی ہیں جن میں چون پسینہ،ہیرا،طوفان،وحشی جٹ،آخری میدان،قانون،سلاخیں،جینے کی سزا،جٹ دا کھڑاک،آگ،اک دوجے کے لئے،دوریاں،تلاش،میلہ،شیر دل،اچھا شوکر والا،دل کسی کا دوست نہیں،جنت کی تلاش،عبد اللہ دی گریٹ اور تیرے پیار میں سمیت بے شمار شامل ہیں۔1975 میں ریلیز ہونے والی ان کی فلم”وحشی جٹ” نے جہاں ریکارڈ ساز کامیابی حاصل کی وہیں اس فلم نے پاکستان فلم انڈسٹری کی نئی سمت بھی متعین کی ۔فلم انڈسٹری سے وابستہ شخصیات نے وزیر اعلیٰ پنجاب سید محسن نقوی سے اپیل کی ہے کہ حسن عسکری کا علاج سرکاری سطح پر کرایا جائے۔
